Француз ва италянлардан қолишмайди: ҳинд аёллари кундалик ҳаётда қандай кийинади? (фото)

Услуб ҳақида гап кетганда, кўпинча француз ва италян аёллар намуна қилинади. Аммо бошқа мамлакат аёллари ҳам кийиниш борасида улардан қолишмайди. Миллий либоси сари ҳисобланган гўзал ҳинд аёллари кундалик ҳаётда қандай кийинади, деган саволга қуйидаги фейшн-блогерлар сурати орқали жавоб топиш мумкин. Ҳиндистонда мода минтақага кўра фарқланади. Кичик шаҳар қизлари анъанавий миллий либосларни кияди, катта шаҳарларда эса тренд устунлик қилади.

@juhigodambe

Жуҳи турли хил услубларни аралштиришни яхши кўради. У спорт кийимлари билан классик услубни, тренд ва миллий либосларни уйғунлаштиради. Шкафдан ўрин олган либосларда енгиллик, қулайлик ва табиийлик бўлиши керак.

@santoshishetty

Сантоши ҳақиқий мода ихлосманди. Унинг ҳар бир кийимида ҳарактер акс этади. У ёрқин кийиниш тарафдори. Блогер кўпинча замонавий кийимларни кийса ҳам, баъзида миллий либосларга ҳам мурожаат қилади.

@nihaelety

Ниҳани ҳақли равишда ҳинд услубининг етакчиси деб аташ мумкин. Уни кўпинча ҳинд либоси образида кўриш оддий ҳол. Шунингдек, у замонавий қиёфалар яратишга ҳам уста.

@diipakhosla

Ҳар бир аёл каби Диипа ҳам ёрқин рангли либос ва тақинчоқларни яхши кўради. Уларнинг ёрдами билан замонавий қиёфани ҳосил қилади. Аммо анъаналарини унутмайди. Айтганча, у тўй маросимини икки марта, европача ва ҳиндча услубда ўтказди.

@the_zlist

Захара Майамида яшайди, лекин у она юртини унутмаган. Вақти-вақти билан у миллий услубда ҳам кўриниш беради.

@sruthijayadevan

Шрути бир вақтнинг ўзида ҳам миллий, ҳам замонавий кийинишни хуш кўради. Унинг гардероби миллий кийимлардан ташкил топган бўлиб, уларни кундалик ҳаётга мослаштирган. Блогер чарм ва анъанавий, кашатачилик, заргарлик буюмлари ва расмий костюмларини уйғунлаштирган ҳолда кийишни билади.