Франциянинг Moncler бренди томонидан экологик матолардан тайёрланган куртка ишлаб чиқарила бошланди. Бу ҳақда Harper’s Bazaar хабар беради.
Мазкур курткалар бренднинг ишлаб чиқаришда кўпроқ экологик ечим асосида ёндашишини кўзлаган «Born to protect» номли янги лойиҳа доирасида ишлаб чиқарилган.
Қайд қилинишича, тақдим қилинган курткалар 100 фоиз табиий матолар асосида тикилган ва бунда океан ва ер юзидаги чиқиндилардан олинган экологик нейлон — Econyl’дан фойдаланилган. Moncler, Down Integrity System and Traceability сертификатига эга ҳисобланади ва бу куртка ҳамда устки кийимларнинг ичидаги ғоз пати махсус фермаларда мавжуд чора тадбирлар асосида мутахассислар томонидан олинганини тасдиқлайди.
Бренд нафақат ишлаб чиқарган либослари, балки ўрамнинг ҳам экологик бўлишини таъминлаш мақсадида совға пакетлари ва қутилари учун қайта ишланган қоғозлардан фойдаланган. Нафақат аёллар, эркак ва болалар учун ҳам мўлжалланган мазкур курткалар фақатгина қора рангда мавжуд, дейилади хабарда. Қўшимча қилинишича, компания 2021 йилнинг сўнгига қадар буткул углерод нейтраллигига эришишни кўзлаган.
Мавзуга доир:
- Levi’s ва Ganni брендлари қайта ишланган жинсидан тикилган кийимларни тақдим қилди. Улар сотилмайди, ижарага берилади
- АҚШда дунё бўйича биринчи экологик тоза пойабзаллар ишлаб чиқарилади
- Yeezy ўргимчакка ўхшаш шиппак ишлаб чиқаради. Янги модель мультфильм қаҳрамонлари пойабзалини эсга солади
- Қоидаларга зид: Off-White бренди икки хил кўринишга эга бир жуфт пойабзал тақдим қилди
Изоҳ (0)