Курткани нафақат жинси ва спорт услубидаги шимлар билан, балки кўйлак ва юбкалар билан ҳам кийиш мумкин. Бугунги кунда исталган усулда кийиниш урфда бўлиши мумкин, асосийси қулай, ранг ва узунлик бир-бирига тўғри келса бўлгани.
Қора базавий
Агар сиз турли рангдаги либослар кийишни ёқтирадиган бўлсангиз, унда танлов борасида қора курткага тўхталганингиз яхши. Иложи борича тиззадан 15-20 сантиметр баландлигини танлаганг. Тор бўлмаган бичим ва ортиқча деталсиз бўлса яна яхши. Унинг устидан кўйлак рангига мос камар тақишингиз ёки ёрқин рангли шарф тақишингиз мумкин.
Монохром
Агар мос ранглиси танланса, курткани пошнали пойабзал билан ҳам кийиш мумкин. Унутманг рангларнинг тўғри танланиши ва уйғунлаштирилиш образнинг муваффақиятли чиқишида муҳим рол ўйнайди. Пошнали оёқ кийим кийишни истасангиз ҳеч иккиланмай кияверинг, фақат у билан спорт услубидаги ва капюшонкали, замок ва чўнтаклари кўп куртка танламасангиз бўлгани.
Узун куртка
Кўйлак курткани ичидан кўриниши керак эмас деган тушунча аллақачон ўзгарган. Сизга шундай қулай бўладиган бўлса, бемалол танлов қилишингиз мумкин. Лекин айни вақтда узун ва тор турмайдиган кийимлар урфда, уни исталган узунликдаги либос билан мосласангиз бўлади.
Спорт услубидаги куртка
Агар худи-либос ва трикотаж кўйлак киядиган бўлсангиз ҳеч иккиланмай, куртка кийишингиз мумкин. Капюшон ва чўнтаклари кўп бўлган куртка билан образингиз кўнгилдагидек кўринади. Оёғингизга катта ҳажмли кроссовка ва угги кийишингиз мумкин.
Кенг, oversize
Унутманг, бел қисми ажратиб кўрсатилган курткалар аллақачон урфдан қолган. Образингиз дидсиз кўринишини истамасангиз, кенг ва иложи борича oversize бичимли моделлар харид қилинг. Бундай устки кийим ичидан узун юбка ва кўйлак кийиб, замонавий ва ўзига хос услубга эга бўлишингиз мумкин. Ҳожати бўлса, белга камар тақсангиз ҳам бўлади. Пойабзал борасида боғичли ботинка ва қулай этикларни танлаш мақсадга мувофиқ.
Изоҳ (0)