Ijro mahorati va o‘ziga xos go‘zalligi bilan minglab muxlislar qalbidan joy olgan turk aktrisalari kundalik va tadbirlarda qanday uslubda kiyinishni yoqtirishi ularning didiga bog‘liq.

Maryam Uzerli

Foto: Cosmopolitan

Hayotda Maryam oddiy va qulay kiyinishni yaxshi ko‘radigan ayol. Taqdirlash marosimlarida esa haqiqiy Xurram sultonga aylanadi.

Foto: Cosmopolitan

Qo‘l ishi bilan bezalgan bashang liboslar, keng yubka, qimmatbaho toshli taqinchoqlar uning obrazini tashkil etadi.

Demet Ozdemir

Foto: Cosmopolitan

Foto: Cosmopolitan

“Tong qushi”, “Qulupnay ifori” yulduzi kundalik hayotda qomatni aks ettiradigan kiyimlarni kiyishni yoqtiradi. Kalta yubka, “razrez”li libos, shorti va toplar shular jumlasidan.

Foto: Cosmopolitan

Poshnali tuflilarni aktrisa faqatgina ziyofatlarga kiyishi mumkin, kundalikda esa qulay poyabzallar botinka, etik va krossovkalarni afzal biladi.

Neslihan Atagul

Foto: Cosmopolitan

“Sevgi iztirobi”dan keyin mashhurlikka erishgan aktrisa, odatda, jinsi shim, legins, keng sviter, erkin bichimli shim va sport uslubidagi oyoq kiyim kiyishi mumkin. U ortiqcha makiyaj qilmaslik va sochlarini nomiga jingalak qilish orqali tabiiy go‘zalligiga urg‘u beradi.

Foto: Cosmopolitan

Alohida tadbir va ziyofatlarga ipak, tillarang yoki yaltiroq matodan tikilgan hashamatli liboslarni ma’qul ko‘radi.

Melisa Asli Pamuk

Foto: Cosmopolitan

Foto: Cosmopolitan

Asli yirik krossovka, botinkalar, keng shim va printli futbolka hamda erkaklarnikiga o‘xshash tolstovkalar kiyadi. Uning garderobida, asosan, qora rangdagi libos, zanjirli taqinchoq va brasletlarni uchratish mumkin. Taqdirlash marosimi va ziyofatlar uchun ham aktrisa qora libos yoki kam detalli kostyum tanlaydi.

Xazal Feliz Kuchyukyose

Foto: Cosmopolitan

Foto: Cosmopolitan

Xazalning kiyinishida so‘nggi trendlarni ko‘rish mumkin. U ranglar bilan o‘ynab, sport va romantik uslubni kombinatsiya qila oladi.

Foto: Cosmopolitan

Tadbirlarga Xazal har bir detalgacha e’tibor berilgan holda qomati va ko‘rinishidan kelib chiqib kiyinadi.

Xande Erchel

Foto: Cosmopolitan

Foto: Cosmopolitan

“Malikam, endi qara”, “Eshigimni qoq” seriallari yulduzi rang-barang kiyinishni yaxshi ko‘radi. Uning garderobida bluzkalar, gulli ko‘ylaklar va midi yubkani ko‘rsa bo‘ladi. Alohida kun yoki oqshom uchun aktrisa ultrazamonaviy kostyum va ko‘ylaklar, tillarang kalta libos va smoking kiyishi mumkin.

Fahriye Evjan

Foto: Cosmopolitan

Burak O‘zchivitning rafiqasi ham kundalik hayotda qulay kiyinishni xush ko‘radi. Poshnali poyabzallarni alohida kunlarda, kundalik uchun krossovka va botinka kiyadi.

Foto: Cosmopolitan

Ziyofat, tadbir va taqdirlash marosimlarida esa uni qomatga urg‘u beradigan ko‘ylak va ingichka poshnali tuflida ko‘rish mumkin.

Xande Dog‘andemir

Foto: Cosmopolitan

“Quyoshni kutib”, “Muhtasham yuz yil” va “Ko‘sem” seriallarida rol ijro qilgan aktrisa ma’lum uslub asosida emas, nimani yoqtirsa shuni kiyadi.

Foto: Cosmopolitan

Alohida tadbir va ziyofatlar uchun esa tabiiy rangdagi libos bilan aksessuarlardan foydalanadi.