Бугун,

  • USD 11095.31
  • RUB 173.84
  • EUR 10772.44

Франция марказий банки раҳбари Франсуа Виллеруа де Гало 2021 йил бошида ўтказилган анъанавий матбуот анжуманида «Брексит» аллақачон Франция иқтисодиётига баъзи инглиз компаниялари ва уларнинг активларини ўзига оғдириб олишга ёрдам берганини айтди, дея хабар бермоқда «Коммерсантъ».

Фото: АА

Фото: АА

Марказий банк раҳбарининг сўзларига кўра, 2021 йилда бу жараён янада кучаяди. «1 январдан бери Буюк Британия молиявий паспортини йўқотди. Биз бунга фаол тарзда тайёрлангандик ва бугун, хайриятки, молиявий фаолиятимизнинг узлуксизлиги таъминланмоқда»,— деди жаноб де Гало.

Пандемияга қарамай, аллақачон деярли 2,5 минг иш ўрни Буюк Британиядан Францияга ўтказилган. 2020 йил охирига қадар камида 170 миллиард евролик активларни бошқарадиган 50 га яқин инглиз ташкилотлари Францияга кўчиб ўтди. 2021 йил бундай трансферлар тезлашиши кутилмоқда.

Маълумот учун, «Брексит» — Буюк Британиянинг  Европа иттифоқидан чиқиб кетиш жараёни. 2019 йилнинг декабрида «Брексит»нинг тезроқ амалга ошиши тарафдори бўлган бош вазир Борис Жонсоннинг Консерватив партияси парламент сайловларида ғалаба қозонган. Британия парламентининг иккала палатаси ҳам 2020 йил 31 январь куни мамлакатнинг Европа Иттифоқидан чиқиши тўғрисидаги қонун лойиҳасини маъқуллаган ҳамда 1 февралга ўтар кечаси 47 йиллик аъзоликдан сўнг Буюк Британия Европа Иттифоқини тарк этган.

Ундан аввал Британия «Брексит» туфайли ҳафтасига 600 миллион фунт стерлинг йўқотаётгани хабар қилинган.

Изоҳ
Asosiy yangiliklar
Маҳаллий
Ўзбекистон мадҳияси қабул қилинганига 30 йил тўлди. Давлат рамзи тарихига қисқача назар
Маҳаллий
Ўзбекистонда Аи-80 маркали бензин нархи тушиши кутилмоқда
Дунё
Малакали мутахассислар учун 2022 йилдаги энг жозибадор давлатлар рейтинги эълон қилинди