Хитойда коронавирус билан касалланганлар сони ўсишни бошлади. Бу ҳақда Хитой Давлат соғлиқни сақлаш қўмитаси маълумотларига таяниб «Коммерсантъ» хабар берди.
Ўтган бир кеча-кундузда вирусга чалиниш бўйича 144 та янги ҳолат қайд этилди, шундан 126 таси мамлакат ичидаги, 18 таси чет элдан келган фуқароларда аниқланди.
Таққослаш учун, Хитойда 19 январь, сешанба ҳолатига кўра 103 та янги ҳолат аниқланиб, улардан 88 таси мамлакат ичида қайд этилган, 15 таси чет элдан келганларда аниқланган. Хитойда касалланишнинг кўпайиши оқибатида чекловлар кучайтирилди. Хусусан, Пекиндаги мактаб ўқувчиларини 23 январдан масофавий таълимга ўтказишга қарор қилинди.
Жонс Ҳопкинс университети маълумотларига кўра, Хитойда пандемия бошидан бери коронавирус инфекциясини юқтириб олиш бўйича 98,5 мингта ҳолат қайд этилди. 4,8 минг киши вафот этди, 91,4 минг киши соғайди. Бутун дунёда жами 96,8 миллион кишида коронавирус аниқланди, 2 миллиондан ортиқ киши вафот этди, 53,3 миллиондан ортиғи соғайди.
Аввалроқ Пекин COVID-19 билан боғлиқ вазият ёмонлашгани сабабли вирусга қарши чораларни кучайтиргани, Хитойда коронавирус тарқалишининг янги ўчоғи аниқлангани ҳамда мамлакатда 8 ой ичида биринчи бор коронавирусга чалинган бемор вафот этгани ҳақида хабар берлиганди.
Изоҳ (0)