Бир-бирига ака-укадек ўхшайдиган, бирдек оппоқ, ёқимтой мушук ва ит Instagram’да машҳурликка эришган. Суратга тушишни ёқтирадиган ёқимтой ҳайвонлар номидан очилган Instagram саҳифасида 41 мингдан ортиқ обуначи бор.
Каспер лақабли кучук мушукдан кўра қувноқроқ ва кулишни яхши кўради. Шунга қарамасдан улар бир-биридан деярли айрилмайди. Ромео ва Каспер биргаликда сайр қилади, ўйнайди ва эгаси билан бирга саёҳат қилади.
Бир-бири билан яхши чиқишишига қарамай, улар ўртасида ҳам келишмовчиликлар бўлиб туради. Масалан, Каспернинг ўйинчоқларни олиб қўйишига Ромео тоқат қилолмайди.
Ҳайвонларнинг эгаси Ринса ҳамиша мушук боқишни истаган, аммо ити Каспер бунга қандай муносабатда бўлишини билмаган. Аёл итнинг реакциясини билиш учун уни мушуги бор дугонасиникига олиб борган. Каспернинг мушукларни яхши кўришини тушуниб етганидан кейин эса орзусидаги мушукни қидиришга киришган.
Мушук ва ит танишганидан кейин бир ҳафта давомида бир-биридан алоҳида яшаган.
«Ромео, Каспернинг ўзидан катта экани сабаб аввалига асабийлашган, аммо итнинг дўстона муносабатда эканини тушуниб етганидан кейин у билан чиқишиб кетган», — дейди Ринса.
Изоҳ (0)