Мода кундан кунга ўзгариб боради, кеча урфда бўлган кийим-кечак бугунга келиб бошқа моделларга жойини бўшатиши янгилик эмас.
Ҳаддан ортиқ тор кийим
Ушбу йилда трикотаж ва синтетик матолардан тикилган либослардан воз кечган яхши. Бундай либослар қоматдаги камчиликларнинг кўзга ташланишига сабаб бўлади. Бунинг ўрнига қалин трикотаж матосидан тикилган либосни танлаш тавсия қилинади. Либосни кийганда кенгроқ туришига эътибор қаратинг.
Этаги кенг юбка
Бундай кўйлаклар биринчидан урфдан қолган, иккинчидан қомат пропорциясини хунук кўради. Танлов борасида мавсум тренди бўлган бурмали либосларга эътибор қаратиш тавсия қилинади.
Свитерли кўйлак
Бундай кўйлак ўрнига оверсайз свитер танлаганингиз, уни миди узунлигидаги юбка билан мослаб, ботфорт ёки қўнжи кенг этик кийганингиз маъқул.
Гипюрли либос
Дидсиз кўринишга сабаб бўладиган гипюр қоматни хунук кўрсатади. Унинг ўрнига гул нақшли тўрдан тикилган моделларга эътибор қаратган яхши.
Битирув кечасида кийиладиган либослар
Битирувчилар либосини эсга соладиган моделларни умуман хаёлингиздан чиқариб ташланг. Шоҳона зиёфат ва маросимларга сипо ва долзарб моделларни танлаш тавсия қилинади. Масалан, ушбу мавсумда машҳурликка эришган гул принтли либосни танланг.
Ёзув туширилган либослар
Кўйлак ва либосларга ёзув туширилган вариантлар ҳам антитренд. Биринчидан бу болаларнинг кийиниш услубига хос, иккинчидан урфдан қолган. Бундай моделдан воз кечиб ўрнига долзарб принтли вариантларга эътибор қаратган яхши.
Вирезли либослар
Енг, елка қисмида вирези бор либослар қоматни 100 фоиз кўнгилдагидек кўрсатмайди. Бунинг ўрнига кўйлак комбинация танланг.
Енг қисми кенг либослар
Бундай либос образни эски ва зерикарли қилиб кўрсатади. Фонар енгли либослар унинг ўрнига альтернатив бўла олади.
Бел қисми этак сингари бичилган либос
Қоматни чиройли, белни нозик кўрсатишига қарамай, бундай модель аллақачон модадан қолган. Унинг ўрнига бир неча мавсумдан буён долзарб бўлган запахли либосларга эътибор қаратган яхши.
Изоҳ (0)