2021 йилда урфда бўладиган ранглар сирасида тўқ сариқ рангини ҳам учратиш мумкин. Атрофдагилар эътиборидан четда қолмайдиган ушбу ранг совуқ ҳароратда киши кайфиятини кўтариш хусусиятига эга экани билан ҳам аҳамиятлидир. Буни яхши билган машҳур дизайнерлар ўз коллекцияларида тўқ сариқ рангдаги кийим-кечаклар тақдим қила бошлади. Fendi, Burberry, Marc Jacobs, Acne Studios ва бошқа брендларнинг намойишлари бунинг исботи.
Мазкур рангдаги либосларни кийиш ва аксессуарлардан фойдаланиш учун баҳор келишини кутишга ҳожат йўқ. Мослаш борасида эса street style юлдузларидан илҳомланиш мумкин. Аммо образ борасида яхшиси кичик деталларни танлашдан бошлаган яхши.
Масалан, шапка, шарф ёки шу рангдаги сумка харид қилинг. Тўқ сариқ рангли кроссовка ёки ботинка танласангиз борми, образингиз ноодатий ва ўзига хос кўринади. Бундай пойабзални базавий тренч ва трикотаж кўйлак билан мослаш мумкин. Аксессуарлардан ўзингизни чекламасангиз ҳам бўлади.
Ушбу мавсумда водолазкалар, эко-чармдан тикилган шубалар ва бошдан оёқ ҳам шу рангда кийиниш мумкин. Агар образингиз тўлиқ бундай рангдан ташкил топишини истамасангиз, миди узунлигидаги тўқ сариқ рангли чарм юбка ёки қулай трикотаж жогерларга эътибор қаратинг. Бундай кийиниш кун давомида кайфиятингиз аъло бўлишга ҳисса қўшади.
Мавзуга доир:
- Қора рангни унутинг: Рангли этиклар энг яхши танлов эканлигининг 9 исботи (фото)
- Қишки образ яратамиз: юбка билан қандай куртка кийган ва киймаган яхши?
- Стилист тавсияси: замонавий клёш жинси шимлардан қандай комбинация ҳосил қилиш мумкин? (фото)
- Ҳар куни кийишга: Қишки образлар учун бежирим қалин кўйлаклар
Изоҳ (0)