Ҳар куни ишга отланишга тайёргарлик кўраётган аёлларда бир хил савол бўлади: бугун қандай кийим кийиш керак? Бу савол қийнайдиган кўпчилик аёлларга умумий қилиб жавоб бериш мумкин: кўйлак.
Кўйлак − бу тайёр кийим
Уни кийгандан сўнг ташқи кўринишга ортиқча нарса қўшишнинг кераги йўқ. Биргина кўйлакнинг ўзи тайёргарликка бутунлай якун ясаши мумкин.
Юбка кийишни истаб, унга мос кофта тополмаслик эса вазиятни янада қийинлаштиради. Узоқ ўйлашга эса вақт йўқ, бунинг ортидан кайфиятнинг бузилиши ва бу кун давомида сизни таъқиб этиши ҳам мумкин.
Кўйлакни аксессуарлар ёрдамида осонгина бойитиш мумкин
Классик услубга турли хил замонавий тақинчоқлар ёки бўйинбоғлар қўшиш мумкин. Натижада офисда ва учрашувларда биргина пойабзал ташқи кўринишни ўзгартиради.
Кўйлак − бу аёлларнинг ўзига хос хусусияти
Бугунги кунда кўплаб ишбилармон аёлларни камдан-кам ҳолларда кўйлакда кўриш мумкин. Кўйлак − аёллик моҳиятини ифода этишга ёрдам беради. Қомат гўзаллигини кўрсатади ва бошқа кийимлар билан таққослашнинг ҳожати ҳам қолмайди.
Айнан кўйлак кийган аёлларда бошқаларга нисбатан латофат ва юришида нозиклик акс этади. Шунинг учун ҳам гўзалликни шим ёки шунга ўхшаш нарсалардан излашнинг кераги йўқ. Табиийликка интилган аёллар учун бежирим кўйлак кифоя.
Кўйлак − пулни тежашга ёрдам беради
Ақлли аёлларгина пулни оқилона сарфлайди. Образ танлашда бир неча кийим комбинацияси эмас, балки биргина кўйлак билан чекланиш мумкин. Бу, албатта, пулни ҳам тежашга ёрдам беради.
Юқорида айтилгандек, оддий, аммо жуда чиройли бичилган кўйлакларни биргина аксессуар, белбоғ, бўйинбоғ ёки сумка билан ҳам бойитиш мумкин. Аслида аёл кишига унчалик ҳам кўп нарса керак бўлмайди, шунчаки уларнинг гардеробда имконияти кўп бўлса бўлди.
Хўш, аёлларга одатда қандай либослар ёқади? Бунинг учун аёлнинг ишлаши ёки аксинчалиги инобатга олиниши зарур. Масалан, офисда ишловчи аёл учун ортиқча безакларсиз, ҳашамдорликдан узоқ бўлган, жиддий ва оддий бичимдаги кўйлаклар мос келади. Гарчи улар тез-тез кийилса ҳам, эътиборни кўп тортмайди.
Зерикарли образдан қутулишни истаганлар учун ечим жуда оддий. Бир хил кўйлакни ҳар хил соат, тақинчоқ, тўғнағич ва бошқа безаклар билан бирлаштириш мумкин.
Офис учун мўлжалланган кўйлаклар аввало, бичим жиҳатда қоматга мос бўлиши керак. Шу талабларга жавоб бермаган кўйлакларни харид қилган аёллар умидсизликка учрайди. Аммо бу кўйлак кийиш ёмонлигини англатмайди. Агар бирор либос мос келмаса, шунчаки унинг муносибини топишга уриниб кўриш керак.
Офис кўйлакларини танлашда эътибор бериш керак бўлган жиҳатлар мавжуд. Бел қисми бироз баландроқ бичилган кўйлак қоматни оптималлаштиради. Тиззадан узунроқ кўйлаклар офис учун жуда қулай ҳисобланади.
Шунингдек, либос жуда ҳам тор бўлмаслиги керак, бу ҳаракатланишга тўсқинлик қилади. Сабаби куннинг кўп қисми офисда ўтгани учун ҳам кўйлак ҳар томонлама қулай бўлиши керак.
Кўйлак ҳам инсоннинг, қайсидир маънода, харакетрини очиб беради. Ташқи кўринишнинг меъёрда бўлиши атрофдагиларнинг муносабати билан узвий боғлиқ. Офис кийимлари жуда қиммат бўлиши шарт эмас, муҳими оддий, тоза ва қулай бўлсин.
Офис учун мўлжаллананган кўйлакларга кўп пул сарфлаш шарт эмас, улардан иккитаси ҳафта давомида фойдалишга етади. Шунингдек, улар ҳар қандай аёлнинг образини янада мукаммал қилиб кўрсатади.
Аёллар гардеробини ранг-барангликка буркашни яхши кўради. Аммо офис учун босиқ ва эътиборни тортмайдиган рангдаги кўйлаклар талаб қилинади. Шунинг учун уларга қай мавсумда бўлмасин, қора, кул ранг, оқ, жигар ранг, кўк каби кўйлакларни харид қилиш тавсия этилади.
Изоҳ (0)