Украинада қатъий карантин амал қилишни бошлади, у 24 январгача давом этади, деб ёзади «РБК». Жиддий чеклов чораларини жорий қилиш ҳақидаги қарор 2020 йил декабри бошидаёқ ҳукумат йиғилишида қабул қилинган эди.
Кафе, бар ва ресторанлар хўрандалар учун ёпилди, аммо уйга олиб кетиш ва етказиб бериш учун ишлашда давом этмоқда. Бозорлар, фитнес заллари ва кўнгилочар муассасалар ҳам ишламаяпти, оммавий тадбирлар тақиқланган. Карантин даврида мактаблар ва ОТМлар ёпилади, аммо болалар боғчалари ишлайди.
Озиқ-овқат дўконлари, банклар, дорихоналар ва почта бўлинмалари ўз ишини давом эттиради. Сартарошхоналар ва гўзаллик салонлари ҳам мижозларни қабул қила олади, аммо улар қабул учун олдиндан ёзилиши керак. Жамоат транспорти фаолияти чекланмайди.
Аввалроқ Украина соғлиқни сақлаш вазири Максим Степанов бундай чоралар мавсумий грипп ва ЎРВИ билан касалланиш фонида коронавирус тарқалишини тийиб туришга уриниш учун зарурлигини, улар эса январь охири — февраль бошида авж олиши кутилаётганини айтган эди. Чекловлар соғлиқни сақлаш тизимига юкламани камайтириши керак, деган эди вазир.
Ноябрь ўрталаридан Украинада дам олиш кунлари карантин жорий қилинди. Аммо декабрда эпидемиологик вазият яхшилангани туфайли бу чоралар тўхтатилди. Ой ўрталаридан мамлакатда коронавирусга чалинганлар ва бунинг оқибатида вафот этганлар сони оша бошлади.
Изоҳ (0)