Миллионлаб қиз ва аёллар қалбини забт этган машҳурлар эришган муваффақият ва ютуқларида онасининг хизмати чексиз эканини таъкидлашдан чарчамайди.

Леонардо Ди Каприо (онаси Ирмелин Инденбиркен)

Фото: Cosmopolitan

Голливуд юлдузи деярли барча тақдирлаш маросимларига онаси Ирмелин билан бирга ташриф буюради. Актёр онаси у учун жуда ҳам муҳим экани ва ҳаётида айнан унга ўхшаган аёлни қидиришини таъкидлайди. У оиласини қашшоқлик ҳолатидан олиб чиқиш учун қўлидан келган ҳамма нарсани бажаргани учун онасидан миннатдор. «Биз худди «Таксист» фильмидаги сингари ҳаёт кечирганмиз, кўчамизда жиноят ва зўравонликлар юз берарди», — дейди Лео. Ирмелин бундай аҳволдан қутилиш ҳамда бошқа туманга кўчиб ўтиш учун бир нечта ишда ишлаган ва айнан у Леонинг карьерасини қўллаб-қувватлаган. Ўғлининг касб борасидаги танловини ҳурмат қилган, истеъдодига асло шубҳа қилмаган. Голливудда етарлича машҳур актёр агар онаси бўлмаганида ҳеч нимага эриша олмаган бўлишини таъкидлайди.

Криштиану Роналду (онаси Мария Долореш душ Сантуш Авейру)

Фото: Cosmopolitan

Спортчининг ҳам болалиги осон кечмаган. Молиявий аҳволи танг бўлган оилада кичик Криштиану, унинг икки опаси ва акасини боқишнинг ўзи бўлмаган. Ўйнашга фақатгина тўпи бўлган Криштианунинг онаси эрта-ю кеч ишлашига тўғри келган. Криштиану ҳар гал профессионал мағлубиятидан кейин онаси унга чекиниш керакмаслигини айтиб, қўллаб-қувватлаганини таъкидлайди.

Брэдли Купер (онаси Глория Кампано)

Фото: Cosmopolitan

Брэдли онаси ва у билан муносабатлари ҳақида гапиришдан чарчамайди. У карьерасидаги муваффақиятлари ва Оскар олиш билан боғлиқ маълумотлар ҳақида ортиқча гапиришни ёқтирмаслигини айтиб, у учун муносабатлар ва алоқалар аҳамиятли эканини билдиради. 2011 йил отасидан айрилган актёр онаси ўзини ёлғиз ҳис қилмаслиги учун у билан бирга яшай бошлади. У модель ва актрисалар ҳақида унутиб, вақтини онасига ғамхўрлик қилишга сарфлаган. Маросим ва тадбирларга Брэдли билан биргаликда ташриф буюрадиган Gloryа, ўғлининг таниқли ва машҳур эканидан фахрланади.

Брэд Питт (онаси Жейн Питт)

Фото: Cosmopolitan

Жейн ҳамма вақт ўғлининг қарорлари ва танловини ҳурмат қилган ҳолда қўллаб-қувватлаган. Брэднинг жуфт сифатида танлаган аёлларини ёқтирмаслигига қарамай, унга қарши чиқмаган. Иложи борича яқин бўлишга уринадиган Жейн учун ўғлининг Анжелина Жоли билан ажрашганидан кейинги қийналиш ва руҳий тушкунлигини шунчаки кузатиб туриш осон бўлмаган.

Дэвид Бекҳэм (онаси Сандра Жоржина Уэст)

Фото: Cosmopolitan

Нафақат спортчи, балки оилапарвар инсон сифатида ҳам ҳурмат қилишга арзийдиган Дэвид ижтимоий тармоқларда онаси билан бирга тушган суратларини бўлишишни хуш кўради. У Сандра билан бирга мусобақалар ҳамда зиёфатларга ташриф буюради. Бекҳэм графиги бандлигига қарамай, бўш вақт топиши билан онасининг ёнига шошади. «Мен кўп нарса учун онамга миннатдорчилик билдиришим керак. Усиз ҳеч нимага эриша олмаган бўлардим», — дейди спортчи.

Жаред Лето (онаси Констанс Лето)

Фото: Cosmopolitan

«30 Seconds to Mars» рок гуруҳи иштирокчиларининг онаси фарзандларини қизиқишинг ва хоҳишларини қўллаб-қувватлаган. У бошқа оила аъзоларининг Жаредни мажбуран ҳарбий мактабга юборишига қаршилик қилган ва унинг санъатга қадам қўйишига имкон берган. Жаред ҳаммаси учун акаси ва Шеннондан миннатдорлигини таъкидлайди.

Мэттью Макконахи (онаси Мэри Кэтлин Макконахи)

Фото: Cosmopolitan

Голливуднинг энг келишган актёрларидан бирининг ҳаётида аёллар кўп бўлишига қарамай, онаси унинг қалбининг қироличаси бўлиб қолади. Актёрга самимий ва ҳазилкашлик онасидан ўтган.

Райан Гослинг (онаси Донна Гослинг)

Фото: Cosmopolitan

Болалигида онасининг энг яхши фильмларни қўйиб бериши Райанда кинога бўлган қизиқишга сабаб бўлган. У ишни ташлаб ўзини фарзанд тарбиясига бағишлагани сабаб онасидан миннатдорлигини яширмайди.

Жастин Тимберлейк (Линн Харлесс)

Фото: Cosmopolitan

Хонанда онасининг ҳаётидаги энг асосий аёл бўлиб қолишини бир неча марта таъкидлаган. Жастин болалигида уни Disney’нинг ёш истеъдодлар клуби кейин эса Star Search’га етаклаб келгани учун онасидан миннатдор. У онасини ифодалаш мумкин бўлгандан ҳам кўпроқ яхши кўриши, ҳозиргача эришганларининг барчасида онасининг ҳиссаси кўп эканини таъкидлайди.