Барчанинг тасаввурида келинлар оппоқ либосда гавдаланади. Аммо бугунги қаҳрамонлар ҳаммадан фарқли равишда тўй либоси учун қора рангни танлашга қарор қилган.
Мерилин Монро
1954 йилда энг таниқли актриса иккинчи маротаба турмуш қурган. Бу сафар актрисанинг танлови бейсболчи Жо Ди Мажо эди. Монро нафақат ажойиб никоҳ оқшомини, балки анъанавий оқ либосдан ҳам воз кечишга қарор қилган. У никоҳ оқшоми учун 250 долларга сотиб олган кундалик қора либосини кийишни афзал кўрган.
Сара Жессика Паркер
20 йил аввал оила қурган Сара Жессика Паркер ва Мэттью Бродерик жуфтлиги дуч келган қийинчиликларга қарамай Голливуддаги энг мустаҳкам оилалардан бири бўлиб қолмоқда. Актрисанинг афсусланадиган ягона нарсаси – қора тўй либоси. Паркернинг таъкидлашича, агар у вақтни орқага қайтара олганида эди, никоҳ оқшоми учун энг чиройли оқ либосни кийган бўлар эди.
Либерти Росс
Модель Либерти Росс иккинчи бор турмуш қуришида қоп-қора либос ва тўқ қизил атиргул билан кўриниш беришга қарор қилган.
Эллен Помпео
Эллен ушбу суратда ўзининг тўй либосида эмас. У орадан 10 йил ўтганидан кейин ҳам ўзининг тўйидаги суратларни бўлишишни истамайди. Бироқ у берган интервьюлардан англаш мумкинки, у ҳам юқоридаги қаҳрамонлар сингари оппоқ қор каби либосдан кўра қора келин кўйлакни афзал кўрган.
Шеней Граймс
Шеней биринчи бора қора либос кийган келинчак сифатида ўзидан фахрланиши мумкин. Эҳтимол, у никоҳ мустаҳкамлигини айнан либос ранги билан боғлиқ деб ўйлар. Сабаби улар ҳанузгача турмуш ўртоғи Жош Бич билан бахтли ҳаёт кечирмоқда.
Шерил Коул
Аммо Шерил Коулнинг қора тўй либоси унга бахт келтирмади. Унинг Жан-Бернанд Фернандес-Версини билан никоҳи 2 йилдан сўнг бузилди.
Тина Тернер
10 йиллик синовлардан сўнг Тина ва мусиқачи Эрвин Бах турмуш қуришга муваффақ бўлди. Орадан 27 йил ўтган бўлса-да, биринчи турмушидаги қийинчилик ва ажрим туфайли Тина қайта турмуш қуришга қўрққан эди. Аммо 2013 йил юлдуз умуман ўзгача кўринишда Бах билан оила қурди.
Аврил Лавин
2013 йил Аврил иккинчи маротаба келин бўлишга муваффақ бўлди. У бу сафар ҳамма нарсани ўзига хос тарзда ўтишига қарор қилганди. Қадимги француз қалъаси, қора тўй либоси, қора гулдаста ва ҳаттоки тўй торти ҳам қора рангда эди. Аммо юлдузнинг иккинчи турмуши ҳам икки йилгина давом этди. У 2015 йил турмуш ўртоғи билан расман ажрашганини эълон қилди.
Изоҳ (0)