Интернетда биринчи бор Redmi К40 Pro смартфонининг янги сифатли суратлари пайдо бўлди. Қурилма иккала томондан ҳам тасвирланган, деб ёзади IXBT.
Redmi К40 Pro учта томонидан бир хил ингичка ва пастки томонида бироз энли ҳошияларга эга ингичка экран билан жиҳозланган. Аввалроқ Redmi эгилган дисплейлардан фойдаланишга ўтишини маълум қилганди, бу эса смартфонлар нархининг ошишига олиб келади. Redmi К40 Pro эса ўзидан олдинги модель каби замонавий бир кристалли Qualcomm тизими базасида ишлайдиган энг арзон флагманга айланиши керак. Бугунги кунда ушбу платформани Snapdragon 888 ташкил этмоқда. Смартфоннинг фронтал камераси дисплейнинг юқори қисмидаги қирқимда жойлашади.
Qualcomm Snapdragon саммитидан сўнг Redmi раҳбари Лу Вейбинг бренд бир кристалли Snapdragon 888 тизимида ишлайдиган смартфонларни ишлаб чиқарувчи биринчи компанияга айланишини маълум қилганди.
Унинг асосий камераси орқа панелнинг юқори чап бурчагидаги блокда жойлашган бўлиб, асосий датчик 108 мегапикселга тенг. Аввалги маълумотларга кўра, Redmi К40 Pro суюқ кристалл экран, сиғими 4500 мА/соатга тенг аккумулятор, тезкор қувватланиш ва стереодинамикларга эга бўлади.
Redmi К40 ва Redmi К40 Pro шу йилнинг январь ойида тақдим этилиши кутилмоқда.
Эслатиб ўтамиз, 2020 йилда Xiaomi компанияси Snapdragon 865 базаси Ми 10 ва Redmi К30 Pro моделларини тақдим этди.
Изоҳ (0)