Бир миллиондан ортиқ россиялик аллақачон «Спутник V» коронавирусга қарши эмлашни қабул қилган. Бу ҳақда 6 январь куни ушбу вакцина ишлаб чиқарувчиси Twitter’да хабар берди.
https://twitter.com/sputnikvaccine/status/1346762314909966337
Бир кун олдин Гамалея Эпидемиология Марказининг директори Александр Гинцбург шунга ўхшаш тахминни айтган. Унга кўра, Янги йил таътиллари охирига қадар «Спутник V»нинг 1,5 миллиондан ортиқ дозаси фуқароларга етказилади.
Вирусга қарши кураш бўйича федерал ҳукумат штаби Россияда эмлаш бўйича аниқ статистикани эълон қилмайди. Фақат Россия Соғлиқни сақлаш вазирлиги раҳбари Михаил Мурашко эмланган руслар сони тўғрисидаги маълумотларни эълон қилди. Унга кўра, 2 январга қадар 800 минг киши коронавирусга қарши эмланган.
Эслатиб ўтамиз, «Спутник V» коронавирусга қарши биринчи рус вакцинаси 11 августда рўйхатдан ўтказилди. Ҳозирги вақтда Россияда фуқароларни эмлаш билан параллел равишда вакцинани ўрганиш давом этмоқда. «Интерфакс» маълумотларига кўра, 50 дан ортиқ мамлакатдан 1,2 миллиарддан ортиқ дозада Россия вакцинасини сотиб олиш учун аризалар келиб тушган. Хусусан, 29 декабрь куни Аргентина ўз аҳолисини коронавирусга қарши «Спутник V» вакцинаси билан эмлашни бошлади.
Бироқ сўровларга кўра, россияликларнинг ярмидан кўпи коронавирусга қарши «Спутник V» вакцинаси билан эмланишни хоҳламайди. Венгрия эса Россия вакцинасини сотиб олмасликка қарор қилди.
Изоҳ (0)