Vengriya “ishlab chiqarish quvvati yetarli bo‘lmaganligi” sababli Rossiyadan koronavirus qarshi vaksina sotib olmaydi. Bu haqda mamlakat bosh vaziri Viktor Orban administratsiyasi rahbari Gergey Gulyashga asoslanib “RBK” xabar bemoqda.
Budapesht preparatni yoki Yevropa ittifoqi sotib olish mexanizmini orqali, yoki to‘g‘ridan to‘g‘ri Xitoydan sotib olishni rejalashtirgan. Avvalroq Pekin China National Biotec Group (CNBG) (Sinopharm bo‘linmasi) tomonidan ishlab chiqarilgan vaksinani umumiy foydalanish uchun ma’qullagandi.
Gulyashning so‘zlariga ko‘ra, Vengriya Rossiya vaksinasi sinovlarida ishtirok etishdan mamnunligi, ammo katta miqdorda vaksina sotib olish “YeI jarayonining bir qismi” bo‘lishi yoki Xitoydan sotib olinishi kerak.
Rossiya to‘g‘ridan to‘g‘ri investitsiya jamg‘armasi (RTIF) Vengriyaning Rossiya vaksinasidan voz kechishi haqidagi xabarni “soxta yangiliklarning yana bir misoli” deb atadi. Jamg‘armada aytilishicha, Moskva 2021-yil yanvar-mart oylarida Budapeshtni yetarli darajadagi vaksina bilan ta’minlashga tayyorligini va hozirda Vengriya nazorat organlaridan ruxsat olish uchun ish olib borayotganini bildirgan.
28-dekabr kuni Vengriya tashqi ishlar vaziri Peter Siyarto mamlakatga Rossiyaning 6000 dozadan ibora vaksina partiyasi kelganini ma’lum qilgan.
Oktabr oyi oxirida Orban Budapesht Moskva va Pekin bilan u yerda ishlab chiqarilgan vaksinalarni yetkazib berish masalasini muhokama qilayotganini ma’lum qilgan. Shundan so‘ng, Yevropa Komissiyasi vakili Erik Mamer, Bryussel faqat Yevropa Ittifoqi hududida preparat ishlab chiqaradigan mamlakatlar bilan yetkazib berish bo‘yicha shartnomalarini imzolashi, Rossiya va Xitoy bilan muzokaralar olib borilmayotganini ta’kidlab o‘tgan. U, shuningdek, Vengriya YeIda sertifikatlanmagan vaksinani sotib olgan taqdirda, unga qarshi ma’muriy choralar qo‘llash bilan tahdid qilgan. Biroq keyinchalik, YeKning rasmiy vakili Stefan de Keersmeker, Vengriya Yevropa dori vositalari agentligi (EMA) roziligisiz ham Rossiya vaksinasidan foydalanish huquqiga ega ekanligini bildirgan.
Noyabr oyida Budapesht Vengriya olimlari tomonidan o‘rganilishi uchun “Sputnik V” vaksinasining birinchi namunasini oldi. Siyarto Vengriya YeI rahbariyatidan ushbu preparatni sotib olish uchun ruxsat olmaganini, chunki mamlakat qonunlari hukumatga favqulodda vaziyatda YeIning ruxsatisiz dori-darmonlarni import qilishi mumkinligini aytgan.
Vazir, shuningdek, Budapesht preparatni ishlab chiqarishni Vengriyaga yo‘lga qoyishdan mamnun bo‘lishini bildirgan. Bu taxminan bir yarim yil davom etishi mumkin. Biroq Yevropada YeI tashqarisidan keladigan vaksinalarga qarshi lobbi mavjuligini qayd etgan.
Sijarto Vengriya hukumati maksimal samaradorlikni ta’minlash uchun bir nechta vaksinalarni o‘rganishga harakat qilishini ta’kidlagan. Hozirgda Yevropa Komissiyasi tomonidan faqatgina Pfizer va BioNTech vaksinasi tasdiqlangan.
Jahon sog‘liqni saqlash tashkiloti 31-dekabr kuni Pfizer va BioNTech tomonidan birgalikda ishlab chiqarilgan vaksinadan foydalanishni rasman tasdiqladi.