Болливуд юлдузларининг бор-будидан айрилишига сабаб бўлган фильмлар

Санъат оламида ҳамма нарса бўлиши: ҳеч ким танимаган одам эртаси куни юлдуз бўлиб уйғониши, машҳур актёр ва актрисалар эса биргина лойиҳа ўзини оқламагани сабаб бор-йўғидан айрилиши мумкин.

Амитабх Баччан

80 йиллар сўнгида сиёсат билан шуғулланган актёр уч йилга киносаноатни тарк этган. Қайтгач «Шаҳаншоҳ» фильмида суратга тушган Амитабх карьерасида шундан кейин омадсизлик кузатилган. «Оловли йўл» фильми сабаб миллий киномукофотни қўлга киритганини айтмаганда қолган лойиҳалари муваффақиятли бўлмаган. Шу сабаб у 5 йилга санъатни тарк этган. 1996 йилда Амитабҳ Баччан Corporation, Ltd номи киносаноат хизматларини қамраб олган компанияга асос солган. Компания томонидан илк бор тақдим қилинган «Бизнинг сен билан орзуларимиз» мелодраммаси етарлича муваффақиятга эришган. 1997 йилга келиб эса у «Ўлим фариштаси» фильмида актёр сифатида фаолиятини давом эттирган. Молиявий аҳволи яхши бўлмаганидан Димпл Кападия ва Каришма Капурга тўлагани пули бўлмаган. Қолаверса, фильмни суратга олаётган ABCL компанияси «Дунё гўзали 1996» танловининг ҳомийси бўлган ва миллионлаб маблағ йўқотган. Алал-оқибат эса  Баччан банкрот бўлган. 1999 йилда суд ишларини бошдан кечирган актёр, 2000 йил ҳақида гап кетганда у вақтда на фильми на пули бўлгани, шунингдек, компаниясидан айрилганини маълум қилган. У актёрлик карьерасини ташламоқчи бўлган, аммо буни уддасидан чиқа олмаган. «Шериклар», «Жаноб майор» фильмларидаги иштирокидан кейин ҳаммаси ўнглана бошлаган. Шундан кейин унга «Ким миллионер бўлишни истайди?» номли шоуни бошқариш таклиф қилинган ва айнан шу лойиҳа у учун нажот бўлган.

Раж Капур

1970 йил 18 декабрда Раж Капур 6 йил умрини сарфлаган «Менинг исмим Масхарабоз» фильми экран юзини кўрган. 1963 йилдан суратга олиш бошланган лойиҳа учун Раж вақтини ҳам пулини ҳам аямаган. Бюджети жуда катта маблағни ташкил қилган ушбу фильм кутилгандек натижа бермаган, танқидларга сабаб бўлган. Шундан кейин Раж ўғли Риши Капур ва Димпл Кападия  иштирокида «Бобби» фильмини суратга олган. Ушбу лойиҳа муваффақиятли чиққан. Кейинчалик ўғли Риши берган интервьюсида, отасининг «Менинг исмим масхарабоз фильми учун барча активларини тиккани, аммо картина омадсиз чиққанидан кейин жиддий муаммолар бўлганини маълум қилган. Ушбу муваффақиятсизликка қарамай, бугунги кунда «Менинг исмим масхарабоз» ХХ аср юлдузи Раж Капурнинг энг яхши фильмларидан бири саналади. Ўз вақтида танқидларга сабаб бўлган ижод намунаси, 80 йилларда кассабоп бўлган.

Бхагван Дада

Бхагваннинг кўриниши замонасида ноодатий деб баҳоланган бўлса-да, у актёр, режиссёр ва ёзувчи сифатида муваффақиятга эришган. Иштирокидаги «Албела» фильми ва «Шолажо бҳадке» қўшиғи ҳали ҳамон хит саналади. У Мумбайдаги 25 та ётоқхонали уй ва 7 та машина билан қироллардек ҳаёт кечирган. Аммо продюсерлик қилган ва суратга олган «Жҳамела» ва «Лабела» фильми учун машиналари ва уйини сотишга ҳамда оиласи билан ётоқхонада яшашига тўғри келган. Бойлигидан айрилганидан кейин Чамчандра, Ом Пракаш ва Ражиндера Кришаандан ташқари деярли барча танишлари уни тарк этган. Дада 2002 йил 89 ёшида, юрак хуружидан вафот этган.

Прити Зинта

Болливуд юлдузи «Париждаги ишқ» фильмини суратга олганидан кейин молиявий қийинчиликка дуч келган. Диалоглар муаллифи Аббос Тярева гонорарларни тўламагани сабаб Притини судга берган. Суд томонидан қамоққа олиш ҳақида ҳукм чиқарилган актрисага Салмон Хон молиявий ёрдам бермаганида, қарзлари сабаб қамалиб кетган бўларди.

Абхай Деол

Сўнгги ўн йилликнинг энг яхши актёрларидан бири бўлган Абхай ҳам банкрот бўлганлардан. Унинг 2014 йилда тақдим қилинган «One by twо» фильми сарфланган маблағни оқламаган. Олган кредитини қоплаш учун актёр уйини сотишига тўғри келган.