Ушбу таниқли юлдузлар ёшлигиданоқ машҳурликка эришган бўлса-да, тақдир уларни 50 ёшдан кейингина меросхўр билан сийлади.
Квентин Тарантино
2020 йилнинг февраль ойида Квентин Тарантино биринчи марта оталик мақомига эришди. Яқинда 57 ёшни қаршилаган режиссёр 36 ёшли исроиллик модель Даниэлла Пик билан икки йил аввал турмуш қурган. Оила қурмасдан аввал режиссёр фарзанд ва никоҳ ҳақида бошқача фикрда эди, аммо кейинчалик бир қанча ўзгаришлар юз берди. Аммо уларнинг илк вориси туғилганидан сўнг Квентин ўз карьерасини тугатишга ҳам қарор қилди. Сабаби у вақтини кўпроқ оиласи даврасида ўтказишни истамоқда.
Жорж Клуни
Голливуднинг яна бир бўйдоғи Жорж Клуни ва жамоат арбоби Амал Аламуддин 2014 йилда турмуш қурган. 2017 йилда оила эгизак фарзандларнинг ота-онасига айланди. Жуфтлик эгизакларига Александр ва Элла деб исм қўйган. Қизиғи шундаки, Жорж ҳам уйланмасидан аввал фарзанд кўриш борасида унчалик ҳам қизиқиш билдирмаган. Аммо кейинчалик эгизак фарзандлар унинг фикрини ўзгартириб юборган бўлиши керак.
Хью Грант
Голливуднинг яна бир келишган юлдузи Хью нафақат экранларда, балки ҳаётда ҳам муҳаббат билан боғлиқ можароларга аралашиб қолган. 2011 йил унинг тўсатдан ота бўлгани ҳақида хабарлар тарқалган. 50 ёшли Хюга хитойлик Тинглан Хонгнинг қиз фарзанд туғиб бериши кутилмаган воқеа бўлган. Аммо бир вақтнинг ўзида унинг турмуш ўртоғи Анна Эберштейн ҳам ўғил фарзанд кўрди. Ҳозирда жуфтликнинг уч нафар фарзанди бор.
Ричард Гир
Актёрнинг ягона меросхўри у 50 ёшига тўлганида дунёга келган. «Мен жуда кеч ота бўлганимдан асло афсусланмайман, агар ёшроқ бўлганимда, яна карьерамни ривожлантириш учун ҳаёт йўлида изланишда давом этар эдим. 50 ёшимда эса мен бошқа бир инсонни тарбия қилишга тайёрман», — дейди Гир. Актёрнинг ўғлини 2000 йили унинг иккинчи турмуш ўртоғи актриса Кэри Лоуэлл дунёга келтирди. Аммо жуфтлик 10 йиллик турмушидан сўнг 2013 йил ажрашишга қарор қилган. Шундай бўлса ҳам Гир ҳамон фарзандининг ҳаётида фаол иштирок этади.
Стив Мартин
Комедия юлдузи Стив Мартин рейтингнинг ҳақиқий рекордчисига айланди. Юлдузнинг биринчи фарзанди 67 ёшлигида дунёга келган. 2012 йилда ўша пайтда 41 ёшда бўлган унинг рафиқаси Энн Спрингфилд қиз фарзанд кўрган. Жуфтлик ушбу янгиликни оммадан яширишга уринган ва меросхўрнинг суратини кўрсатишни ҳам режалаштирмаган.
Изоҳ (0)