2020 йилда пандемия муносабати билан тўй ва бошқа оилавий тадбирларни ўтказиш жараёнига турли чекловлар ўрнатилди. Шунга қарамай поёнига етган йилда кўплаб таниқли санъаткорлар, шоу-бизнес вакиллари оилали бўлди.
14 июнь куни сўз устаси Мирзабек Холмедов ўғли Улуғбекни уйлантирди.
Улуғбек ва Робияхоннинг никоҳ оқшомида кўплаб санъаткорлар, хусусан, «Мирзо» театри актёрлари, Шоҳжаҳон Жўраев, «ВИА Мароканд» гуруҳи хизматда бўлган.
14 июнь куни Рашид Ҳолиқовнинг ўғли Санжар ҳам уйланди.
9 сентябрь куни «Браво» кулги жамоаси вакили Аҳмад Темуров уйланди. Тўйга ўзбек шоу-бизнесининг кўплаб вакиллари ташриф буюрди.
Хонанда Воҳиджон Исоқов 14 сентябрь куни бўйдоқлик билан хайрлашди. Унинг тўйи Tashkent City паркида бўлиб ўтди. Воҳиджон ва Дилнозахонни табриклаш учун тўйга кўплаб шоу-бизнес вакиллари ташриф буюрди, тантана гала-концертга айланиб кетди.
18 сентябрь куни Tashkent City’да яна бир юлдузли тўй бўлиб ўтди. «Новда» фильмидаги Зубайра образи билан танилган ёш актриса Гулинур Абдуллаева режиссёр Ҳабибулла Набиевга турмушга чиқди.
Akfa Media продюсерлик компанияси томонидан кашф қилинган хонанда Сирожиддин Ҳожиев 22 сентябрь куни уйланди. Ушбу тўй ҳам бошқа шоу-бизнес вакиллариники сингари гала-концертга айланиб кетди. Никоҳ оқшомида таниқли бошловчилар, «Элдидо» гуруҳи, Самандар Ҳамроқулов, Шоҳруххон, Асилбек Неъматуллоҳ, Шуҳрат Йўлдошев ва бошқа хонандалар хизматда бўлди.
25 сентябрь куни «Браво» кулги жамоаси вакили Исроил Буланов уйланди, хонанда Лобар Умарова турмушга чиқди.
Бир неча сериал ва кинофильмлардаги образлари билан танилган ёш актриса Азиза Ёқубова 29 сентябрь куни турмушга чиқди. Пойтахтдаги ресторанлардан бирида ўтган тўйда кўплаб шоу-бизнес вакиллари меҳмон бўлди.
Октябрь ойида Озодбек Назарбековнинг «Мендирман» қўшиғи клипида Жалолиддин Мангуберди образини гавдалантирган актёр Миркамол Қорабоев ёш актриса Юлдуз Пайзиевага уйланди.
26 октябрь куни хонанда СанЖай ўзидан 15 ёш кичик актрисага уйланди. 26 ёшли Алина (Алиша) бир нечта клипларда суратга тушган. У Instagramда 41 ёшли СанЖай билан умумий танишлари орқали танишгани ҳақида сўзлаб берди. Хонанда Алишага атаб қўшиқ ҳам куйлаган.
21 ноябрь куни «Миллион» кулги жамоаси аъзоси Маъруф Носиров бўйдоқлик билан хайрлашди. Тўй Навоий шаҳрида бўлиб ўтди. Никоҳ оқшомида Даврон Кабулов, Алишер Ботиров, Феруза Норматова, Мўмин Иброҳимов ҳамда «Миллион»нинг бошқа аъзолари, хонандалар СанЖай, Ҳамдам Собиров, Фазел Фаррух иштирок этди.
Ноябрь ойида хонанда Севара оила қурди.
26 ноябрь куни раққоса ва актриса Шодиёра Омонова турмушга чиқди.
14 декабрь куни россиялик миллиардер Алишер Усмоновнинг жияни Ганя Усмонова иккинчи марта турмушга чиқди. Ганя ва Шуҳратнинг тўйи Тошкентдаги Hilton меҳмонхонасининг 21-қаватидаги тантаналар залида бўлиб ўтди.
Тўйда Ўзбекистон халқ артистлари Фаррух Зокиров, Юлдуз Усмонова, хонандалар DJ Piligrim, Рашид Холиқов ва яна бир нечта эстрада гуруҳлари хизматда бўлди. Тантанани таниқли россиялик бошловчи Александр Белий ва телебошловчи Нилуфар Сотиболдиева олиб борди.
Изоҳ (0)