Millionlab muxlislar qalbidan joy olgan hind kinosi ijodkorlarining pul sarflash va dabdaba borasida bir-biridan qolishmaydigan to‘ylari haqida ma’lumot berib o‘tamiz.

Karina Kapur va Saif Ali Xon

Foto: “Yandeks Dzen”

Bollivudda o‘z o‘rniga ega bo‘lgan yulduzli juftlikning to‘y uchun sarflagan mablag‘i 1, 5 million dollarga baholangan va unga qadar hech kimning to‘yi bunchalik rekord qayd qilmagan.

Foto: “Yandeks Dzen”

Kelin-kuyov dizaynerlar tomonidan taqdim qilingan qimmatbaho libos kiygan, Karina bir necha marta kelin ko‘ylagini almashtirgan marosim 5 kun davom etgan. Ko‘p sonli mehmonlarning mehmonxonada tunashi kelin-kuyov tomonidan qoplangan.

Foto: “Yandeks Dzen”

Marosim turli shaharlarda bo‘lib o‘tgan va tashrif buyurganlar Dehlidan Mumbayga kuzatib qo‘yilgan. Aslida to‘yga taklif qilinganlar orasida Hindiston prezidenti ham bo‘lgan, ammo u tashrif buyurishga muvaffaq bo‘lmagan.

Ayshvariya Ray va Abxishek Bachchan

Foto: “Yandeks Dzen”

Aytishlariga qaraganda, Abxishekning onasini o‘sha vaqtda salomatligi yaxshi bo‘lmagani sabab, yulduzli juftlikning to‘yi Bachchanlar qarorgohida, kichik doirada o‘tkazilgan. Shunga qaramasdan ushbu ixcham to‘y juftlikka 900 ming dollarga tushgan. Sarflangan mablag‘ning bir qismi kelinning tilla va qimmatbaho toshlar bilan bezatilgan libosiga sarflangan.

Foto: “Yandeks Dzen”

Qolaversa, Ayshvariyaga to‘y tuhfasi sifatida 15 kg tilla va qimmatbaho toshlar berilgan.

Foto: “Yandeks Dzen”

Dekoratsiya, bayram dasturxon, kelin-kuyov va mehmonlarning xavfsizligini ta’minlash uchun ham pul ayalmagan.

Imron Xon va Avantika Malik

Foto: “Yandeks Dzen”

Juftlik to‘y marosimi uchun 775 ming dollar sarflagan. Bollivud yulduzlari Salmon Xon, Shoxruh Xon va Amir Xon oilasi bilan, Kapurlar sulolasi vakillari, shuningdek, Priyanka Chopra va boshqa mashhurlar tashrif buyuruvchilar orasidan o‘rin olgan.

Foto: “Yandeks Dzen”

Mumbaydagi hashamatli Taj Lands End mehmonxonasida bo‘lib o‘tgan marosimni tashkil qilishda Karan Johar bosh-qosh bo‘lgan, degan ma’lumotlar ham yo‘q emas. Kelin-kuyov esa tabiiyki, dizaynerlarning qimmatbaho liboslarida marosimning asosiy qahramoni bo‘lgan.

Arpita Xon va Ayush Sharma

Foto: “Yandeks Dzen”

Arpita, aktyor Salmon Xonning singlisi bo‘ladi. Kuyov bola esa Dehlilik biznesmenlardan. To‘yni poytaxtda o‘tkazishni ma’qul ko‘radigan aksari kelin-kuyovlardan farqli ravishda mazkur juftlik marosim uchun Xaydarobodni afzal bilgan.

Foto: “Yandeks Dzen”

745 ming dollar sarflangan to‘yga nafaqat ularning yaqinlari, do‘stlari, balki mamlakat prezidenti va vaziri ham tashrif buyurgan.