Ухандаги биринчи коронавирус тўлқинининг кўлами расман қайд этилганидан тўққиз марта каттароқ бўлиши мумкин. Бу ҳақда Хитой касалликлар назорати ва профилактикаси маркази томонидан аҳолининг серопозитивлик бўйича ўтказилган тадқиқоти гувоҳлик бермоқда, деб ёзади «Korrespondent.net».
Апрель ўрталарида Уханнинг Хубэй провинциясида, шунингдек, Пекин, Шанхай ва яна тўртта бошқа провинцияда яшовчи 34 минг кишидан қон намуналари олинган. Шуларнинг учдан бир қисми Ухань ҳиссасига тўғри келган.
Айни пайтда Уханнинг 11 миллион аҳолисининг 4,43 фоизида коронавирусга нисбатан антитаналар аниқланган, бу тахминан 450 минг киши демакдир. Апрель ўрталарида шаҳарда расман COVID-19 тасдиқланган одамлар сони 50 008 кишини ташкил этган.
Бундай тафовутлар эпидемия бошидаги тартибсизликлар ва унинг илк босқичидаги тест олиш бўйича чекланган имкониятлар оқибатидир. Шунингдек, 4,43 фоиз кўрсаткичи намуналарни йиғиш ҳудудлар бўйича бир текисда бўлмагани (касалланиш ҳолатлари кўп бўлган ҳудуддан ёки кексалар орасидан олингани) сабабли ҳам ҳақиқатдан сал узоқроқ бўлиши ҳам мумкин.
Бу шуни билдирадики, сайёрада инфекциянинг биринчи ўчоғига айланган шаҳар худди бутун мамлакат каби жамоавий иммунитетдан узоқдир.
Аввалроқ Хитой COVID-19’га сабаб бўладиган вируснинг келиб чиқишига доир тадқиқотларни давлат сирига айлантиргани ҳақида хабар берилган эди. Хитой раҳбарияти COVID-19’ни келтириб чиқарадиган SARS-CoV-2 вирусининг келиб чиқиши бўйича тадқиқотларни қаттиқ назорат қилмоқда.
Мавзуга доир:
- Хитойда коронавируснинг келиб чиқиши бўйича давлат сири ҳисобланган тадқиқотлар ўтказилди
- Хитойда журналист аёл Ухандан репортажлар тайёрлагани учун 4 йилга қамалди. У пандемия мавзусида ёлғон хабар тарқатганликда айбланди
- Хитойда бир кишида COVID-19 аниқлангани сабабли бутун шаҳар карантинга ёпилди
Изоҳ (0)