Хитойнинг Sinopharm компанияси томонидан ишлаб чиқилган коронавирусга қарши вакцина 79,34 фоиз самарадорлик кўрсатди. «Коммерсантъ»нинг хабар беришича, натижа клиник синов тадқиқотларнинг оралиқ учинчи таҳлил маълумотига асосланган.
«Пекиннинг Sinopharm CНБГ томонидан ишлаб чиқарилган инактивацияланган коронавирус вакцинаси эмлашдан кейин хавфсизлигини кўрсатди... Вакцинанинг СОВID-19’га қарши ҳимоя таъсири 79,34 фоизни ташкил қилади», — деган Sinopharm’нинг шўъба корхонаси бўлган Пекин Биологик маҳсулотлар институти.
Аввалроқ COVID-19’га қарши Хитой вакцинаси хорижий давлат — БАА томонидан биринчи марта маъқулланганди. Ушбу давлат расмийлари клиник синовларнинг учинчи босқичини дастлабки натижаларидан мамнун эканликларини билдирган.
Айни пайтда Хитойнинг тўртта вакцинаси клиник синовларнинг учинчи босқичида. Уларнинг иккитасини Sinopharm корпорацияси, яна бирини CanSinoBIO, тўртинчисини эса Sinovac компанияси ишлаб чиқмоқда.
Жонс Ҳопкинс университети маълумотларига кўра, дунёда 82 миллион киши коронавирусга чалингани қайд этилган. Улардан 1,79 миллион нафари вафот этган, 46,3 миллион нафари соғайган.
Изоҳ (0)