Сурияда йўловчи автобусига уюштирилган ҳужум оқибатида 30 нафар тинч аҳоли вакиллари ҳалок бўлди, яна 15 нафари жабрланди. Бу ҳақда SANА давлат ахборот агентлигига таяниб, «РБК» хабар бермоқда.
Автобусга 30 декабрь куни Тошкент вақти билан 19:00 атрофида Кабажеб аҳоли пункти яқинида Дайр-аз-Зoр—Пальмира трассасида ҳужум қилинган.
Сурия инсон ҳуқуқлари назорати маркази маълумотларига кўра, жабрланганларнинг бир қисми оғир аҳволда. ИШИД пистирмасига аскарларни Янги йил байрамларига олиб кетаётган учта автобус тушган, дейилади марказ хабарида.
Шунингдек, таъкидланишича, автомобилларда элита бўлинмаси — Сурия президенти Башар Асаднинг укаси Моҳир Асаднинг тўртинчи механизациялаштирилган дивизияси аскарлари бўлган.
Аввалроқ ОАВлар Суриянинг Дамашқ шаҳри ҳудуди ўққа тутилгани ҳақида хабар берган эди. SANА маълумотларига кўра, бир нечта жабрланувчилар бор. Агентликнинг қайд этишича, ўққа тутишни Исроил амалга оширган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)