2021 йил 1 январдан бошлаб Россияга Навоий ва Қашқадарё вилоятларидаги 34 корхонадан помидор олиб кирилишига рухсат берилди. Бу ҳақда «Росселхознадзор» сайтида маълум қилинди. Рухсат Вазирлар Маҳкамаси ҳузуридаги Ўсимликлар карантини давлат инспекцияси кафолати остида берилган.
Маълум қилинишича, ушбу қарор «Ўздавкарантин» помидор жигарранг бужмайиши вируси аниқланмаган корхоналар тўғрисидаги маълумотни тақдим этганидан сўнг қабул қилинган.
Шунингдек, маълумот берилишича, Озарбайжондаги 15 та корхонадан ҳам помидор олиб кирилишига рухсат берилган.
Аввалроқ «Росселхознадзор» Россия ҳудудига Фарғона вилоятида жойлашган 7 та корхонадан помидор ва қалампир маҳсулотлари олиб киришга рухсат берганди.
Мавзуга доир:
Изоҳ (0)