Rossiya veterinariya va fitosanitariya nazorati bo‘yicha federal xizmati Qashqadaryo viloyatida yetishtirilgan pomidor va qalampir mahsulotlarini Rossiya hududiga olib kirishga 11-dekabrdan boshlab taqiq qo‘ydi. Bu haqda “Rosselxoznadzor” matbuot xizmati ma’lum qildi.
Qashqadaryodagi Sunny land kompaniyasi tomonidan eksport qilingan mahsulot karantinli fitosanitariya nazoratidan o‘tkazilganda ularda jigarrang burishish virusi (tomato brown rugose fruit virus) aniqlangani tufayli shunday qaror qilingan.
“Rosselxoznadzor” 26-noyabr kuni Farg‘ona viloyati, 4-dekabr kuni Navoiy viloyatidan Rossiyaga olib kelinadigan pomidor va qalampirlarda ham shunday virus aniqlangani sababli taqiq qo‘ygandi. Keyinchalik, quritilgan o‘rik partiyasida xavfli zararkunanda — kapr qo‘ng‘izi aniqlangani sababli O‘zbekistonning Farg‘ona viloyatidan barcha o‘simlik mahsulotlarini olib kirishga taqiq joriy etdi.
Bundan tashqari, 8—9-dekabr kunlari Rosselxoznadzor boshqa mamlakatlardan bir qator mahsulotlarni olib kirish taqiqlanganligini e’lon qildi. Xususan, 10-dekabrdan Ozarbayjonda yetishtirilgan pomidor va olmalarni Rossiyaga olib kirilishini taqiqlaydi. Bunga ushbu mahsulotlarda zararkunandalar topilgani sabab bo‘ldi.
14-dekabrdan boshlab Armanistonning Armavir viloyatida yetishtirilgan pomidor va qalampirlarning Rossiya hududiga olib kirilishini taqiqlab qo‘ydi. Ushbu qaror Armavir viloyatida yetishtiriladigan sabzavotlarda pepino mozaikasi virusi aniqlangani sabab qabul qilingan. Fitosanitariya nazorati virusni oktabr oyida aniqlagan.
Izoh (0)