Қашқадарё вилоятининг Шаҳрисабз туманида 19 нафар ногиронлиги бор, ижтимоий оғир вазиятга тушиб қолган хотин-қизга янги хонадон калитлари топширилди, дея хабар берди «Дарё» мухбири.
Таъкидланишича, «Қишлоққурилишинвест» МЧЖ вилоят филиали буюртмасига асосан қуриб битказилган 144 хонадонли 6 та кўп қаватли уйларнинг 19 таси байрам арафасида ногиронлиги бор хотин-қизларга берилган.
«Саккиз йилдан бери уйсиз, ижарама-ижара яшаб келаётгандик. Ўтган йиллар давомида кўплаб мурожаатлар йўлладим. Бугун Президентимиз кўмагида замонавий уйлардан бири берилди. Бу нафақат ўзим учун 10 ёшга кирган бўлса-да, ногиронлиги сабаб ўсишдан қолаётган фарзандим Иброҳимжон учун ҳам Янги йилга яхши совға бўлди», — дейди икки нафар фарзандини ёлғиз тарбиялаётган она Бахтигул Шомуродова.
Вилоятда, шунингдек, Ички ишлар, Миллий гвардия, ДХХ ходимлари учун ҳам қурилган кўп қаватли уйлар Янги йил байрами арафасида фойдаланишга топширилган.