Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева ихтисослаштирилган мактаб-интернатларнинг барча ўқувчилари учун акция эълон қилди.
Таъкидланишича, янги йилда «Кўнгил кўзи» хайрия тадбири доирасида уч минг нафардан ортиқ кўзи ожиз ва заиф кўрувчи болалар тиббий кўрикдан ўтказилади.
«Текширув натижаларига кўра, кўриш қобилиятини яхшилаш имконияти бўлган ҳар бир болага ёрдам берамиз», — деб ёзади Саида Мирзиёева ўзининг Telegram’даги каналига.
Маълумот учун, «Кўнгил кўзи» хайрия акцияси 2019 йилнинг март ойида ўз фаолиятини бошлаган. У кўзи ожиз ва заиф кўрувчи болалар таълими, уларнинг маънавий ва руҳий ривожланиши учун муносиб шарт-шароитлар яратиш, шунингдек, келгуси ҳаётга ва жамиятга мослашиши учун йўналтирилган.
Лойиҳа доирасида брайл шрифтида дарслик нашр этиш йўлга қўйилди, кўзи ожиз ва заиф кўрувчи болалар эҳтиёжларига ихтисослаштирилга компьютер маркази яратилди, барча мактаб-интернатларнинг техник базаси ривожлантирилди ва қўйилган мақсадга эришиш учун бошқа кичик лойиҳалар амалга оширилди.
Изоҳ (0)