Ўзбекистонда 2021 йилда жамоат хавфсизлигини таъминлаш, ҳар бир маҳаллада хавфсиз муҳит яратиш бўйича янгича ёндашувлар жорий этилади, деди Президент Шавкат Мирзиёев 29 декабрь куни Олий Мажлисга йўллаган Мурожаатномасида.
Президентнинг таъкидлашича, сўнгги йилларда Ўзбекистонда юз берган табиий ва техноген офатлар, куз-қиш мавсумида содир бўлаётган ёнғин ва бошқа кўплаб нохуш ҳолатлар мавжуд тизимни янада такомиллаштиришни тақозо этмоқда.
Шунингдек, ҳозирда мамлакат бўйлаб барпо этилаётган кўплаб йирик объектлар ва баланд қаватли биноларда ёнғин хавфсизлигини таъминлашнинг янги тизимини ташкил этиш, соҳанинг моддий-техника базасини ва кадрлар салоҳиятини тубдан мустаҳкамлаш лозим.
«Шу сабабли икки ой муддатда ‘Фавқулоддаги ҳолат тўғрисидаъги қонун лойиҳаси ҳамда юқорида қайд этилган муаммолар ечимига қаратилган Ҳукумат дастури ишлаб чиқилсин», — дея топшириқ берди Шавкат Мирзиёев ўз Мурожаатномаси давомида.
Изоҳ (0)