Transfermarkt портали 2020 йилнинг декабрь ойи учун футболчилар трансфер қийматининг янгиланган рейтингини эълон қилди.
Унга кўра, Ўзбекистон Суперлигасининг бир қатор футболчиларининг қиймати ўзгарди. Суперлиганинг энг қиммат ўйинчиси ҳамон «Пахтакор» ҳужумкор ярим ҳимоячиси Жалолиддин Машарипов бўлиб турибди. Унинг нархи сентябрь ойига нисбатан 200 минг еврога қимматлаб, ҳозирда 2 миллион еврони ташкил қилмоқда.
Кейинги уч ўрин ҳам «Пахтакор» вакилларига тегишли. Топ-9 ликдан Ўзбекистон чемпионининг етти нафар вакили ўрин олган.
Суперлиганинг энг қиммат ўйинчилари:
- Жалолиддин Машарипов («Пахтакор») — 2 миллион евро
- Игор Сергеев («Пахтакор») — 1,5 млн евро
- Достон Ҳамдамов («Пахтакор») — 1,2 млн евро
- Одилжон Ҳамробеков («Пахтакор») — 1 млн евро
- Бобур Абдухолиқов («Насаф») — 900 минг евро
- Ҳожиакбар Алижонов («Пахтакор») — 900 минг евро
- Нурилло Тўхтасинов («Бунёдкор») — 800 минг евро
- Драган Черан («Пахтакор») — 750 минг евро
- Фарруҳ Сайфиев («Пахтакор») — 750 минг евро
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)