«Атлетико» клуби ҳужумчи Диего Коста билан амалдаги шартнома бекор қилинганини маълум қилди.
Клуб баёнотида келтирилишича, шартнома футболчининг илтимосига кўра бекор қилинган. Коста шахсий сабабларга кўра келишувни муддатидан аввал бекор қилган. Костанинг мадридликлар билан амалдаги шартномаси 2021 йилнинг ёзига қадар мўлжалланганди.
El Mundo нашрининг хабар қилишича, «Атлетико» келишувни бекор қилиш асносида шарт қўйган. Унга кўра, футболчи «матрасчилар»нинг рақобатчилари «Севилья», «Реал» ва «Барселона»га тўғридан-тўғри йўл ололмайди. Буни амалга ошириш клубларга ёки футболчига 15 миллион еврога тушади.
Аввалроқ 32 ёшли футболчига Хитой ва Бразилиядан таклиф борлиги, шунингдек, вазиятни «Арсенал» ва «Бенфика» клублари ҳам кузатиб бораётгани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)