Москванинг «Локомотив» клуби ярим ҳимоячиси, ҳозирда «Тамбов» сафида ижарада ўйнаётган Жасур Жалолиддиновнинг агенти Юрий Белоус мижози билан боғлиқ вазият ва унга бўлаётган қизиқишлар ҳақида гапирди.
РПЛда ўйин амалиётига эга бўлолмаётгани ҳақида«Барча бу йигит ўйнаб кета олишига умид қилмоқда. У Ўзбекистоннинг энг иқтидорли футболчиларидан бири. «Локомотив» нима сабабдан уни аввалига РПЛ рўйхатидан ўтказиб, кейинчалик чиқариб юборганини тушуниш қийин.
«Тамбов»га келадиган бўлса, у ўйнаб кета оларди, бироқ Ўзбекистон ёшлар терма жамоасидан чақирув бўлиб қолди. Унга ўйин амалиёти керак. Вазият қандай тус олишини кузатамиз. Сабаби бизга аввалига у «Локомотив» билан йиғинга йўл олиши айтилди. Кейин эса бормаслиги маълум бўлди. Янги йил байрамидан кейин қарор қабул қиламиз».
Жалолиддиновга Европадан қизиқиш бўлаётгани ҳақида
«Шубҳасиз. Ўзбекистонлик футболчиларни Корея ва БААдан бажонидил қабул қилишади, бироқ у Россияда ўйнаб кетишини хоҳлардик. Агар бу содир бўлмаса, у ҳолда «Локомотив» вакиллари билан муҳокама қиламиз. Туркия ва Испания Сегундасидан таклиф бор.
«Локомотив» бош мураббийи Марко Николичнинг трансферга муносабати ҳақида
«Бош мураббий бунга қизиққанди. Бироқ кейинчалик янги футболчилар пайдо бўлди ва чет элликлар учун ажратилган квота тўлиб қолди. Қайдномада Жалолиддинов учун жой топилмади. Николич бу вазиятни шарҳламади, клубнинг собиқ спорт директори ҳам».
Жалолиддинов трансфер борасида ОАВда пайдо бўлган хабарлар ҳақида
«Бу борада шарҳ беришим ноўрин бўлади, бу тижоратга оид масала. Бунга биз томондан муносабат билдирилиши нотўғри бўлади. Келишувдаги барча пуллар «Бунёдкор»га ўтказиб берилганини биламан ва у эркин агент сифатида «Локомотив» сафига бориб қўшилди.
Ҳа, у эркин агент мақомида «Локомотив»га ўтди. Унинг шартномасида исталган клуб сотиб олиши мумкин бўлган товон пули ҳақидаги банд бор эди».
«Локомотив» унинг шартномасини сотиб олгани ҳақида
«Бунга изоҳ бермайман, клубдан сўранг».
Юрий Белоус, футбол агенти
Жалолиддинов июль ойида «Локомотив» футболчисига айланди. Бироқ москваликлар ярим ҳимоячини Россия Премьер Лигаси рўйхатидан чиқариб юборди ва Жасур «Тамбов»га ижарага берилди. Бироқ 18 ёшли ўйинчи «Тамбов» сафида ҳам бирорта ўйин ўтказмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)