ПСЖ жамоа бош мураббийи Томас Тухелнинг истеъфосини расман маълум қилди.
Раҳбарият жамоанинг натижаларини чуқур таҳлил қилган ҳолда мутахассис билан шартномани бекор қилиш қарорига келди, дея маълум қилмоқда клуб матбуот хизмати.
Тухель 2018 йилда ПСЖга бош мураббий этиб тайинланганди. У 2 йил вақт оралиғида парижликлар бошқарувида 127 ўйин ўтказиб (95 ғалаба, 12 дуранг ва 20 мағлубият), 6 та совринга эга чиқди. Жумладан, икки карра Франция чемпионлигини қўлга киритди.
Аввалроқ клуб Тухель билан шартномани бекор қилиш учун мутахассисга 6 миллион евро компенсация тўлагани маълум бўлганди.
Хабарларга кўра, клубга «Тоттенҳэм» собиқ устози Маурисио Почеттино бош мураббий этиб тайинланиши мумкин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)