“Atletiko” klubi hujumchi Diyego Kosta bilan amaldagi shartnoma bekor qilinganini ma’lum qildi.
Klub bayonotida keltirilishicha, shartnoma futbolchining iltimosiga ko‘ra bekor qilingan. Kosta shaxsiy sabablarga ko‘ra kelishuvni muddatidan avval bekor qilgan. Kostaning madridliklar bilan amaldagi shartnomasi 2021-yilning yoziga qadar mo‘ljallangandi.
El Mundo nashrining xabar qilishicha, “Atletiko” kelishuvni bekor qilish asnosida shart qo‘ygan. Unga ko‘ra, futbolchi “matraschilar”ning raqobatchilari “Sevilya”, “Real” va “Barselona”ga to‘g‘ridan to‘g‘ri yo‘l ololmaydi. Buni amalga oshirish klublarga yoki futbolchiga 15 million yevroga tushadi.
Avvalroq 32 yoshli futbolchiga Xitoy va Braziliyadan taklif borligi, shuningdek, vaziyatni “Arsenal” va “Benfika” klublari ham kuzatib borayotgani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)