«Барселона» ҳужумчиси Лионель Месси La Sexta нашрига берган интервьюсида каталонлар собиқ президенти Хосеп Бартомеу ҳақида фикр билдирди.
Бартомеу уни нималарда алдагани ҳақида
«Жуда кўп нарсада (кулади). Тўғриси, жуда кўп вазиятда ёлғон ишлатилди. Клубда рўй берган алоҳида ҳолатлар ҳақида гапиришни ёқтирмаганим боис уларни оммага ошкор қилолмайман. Нималар дейилгани ва ваъда қилинганини айтмайман, бироқ сизни ишонтириб айтаманки, Бартомеу бир неча йил давомида жуда кўп марта ёлғон гапирди».
«Барселона» раҳбарияти ижтимоий тармоқларда футболчи ҳақида негатив кайфият яратишга урингани ҳақида
«Ростини айтсам, мен бунга катта аҳамият бермадим. Клубда мени ўйлантириб қўядиган ёки суриштирув ўтказишга мажбур қиладиган бунданда муҳим ишлар содир бўлган. Шу сабаб бу масалага у қадар катта аҳамият бермаганман».
Месси август ойида «Барселона»ни тарк этишни истаётганини маълум қилган, бироқ Бартомеу қўл остидаги раҳбарият бунга йўл қўймаганди. Октябрь ойида Бартомеуга нисбатан ишончсизлик вотуми эълон қилинди, охир-оқибат функционер муддатидан аввал президентлик лавозимини тарк этишга мажбур бўлди. Январь ойида «Барселона» президентлиги учун сайлов ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)