Бугун пойтахтимиздаги «Миллий» стадионда Ўзбекистон Республикаси Жисмоний тарбия ва спорт вазирлиги, Миллий олимпия қўмитаси, Esports Uzbekistan, Full Level Esports ҳамда UzReport-TV ва ФУТБОЛ ТВ телеканаллари билан ҳамкорликда ташкил этган «Янги йилга спорт билан!» шиори остидаги оммавий спорт фестивали бошланди.
Фестивальда 7 ёшдан 70 ёшгача бўлган юртдошларимиз спортнинг мини-футбол, стритбол, баскетбол, велоспорт, югуриш, дарц, арқон тортиш, бадминтон, армрестлинг, тош кўтариш, стол тенниси ҳамда Workout (кўча фитнеси) йўналишлари, шунингдек, йилнинг энг йирик турнирлари – шахмат бўйича онлайн Ўзбекистон чемпионати ҳамда Киберспорт бўйича Гранд финал мусобақаларида ўз имкониятларини синаб кўришмоқда.
Фестивальнинг очилиш маросими ўзига хос шоу тарзида ташкил этилди. Санъат ва спорт юлдузлари эса ўз чиқишлари билан йиғилганларни хушнуд этди.
Дарвоқе, «Янги йилга спорт билан!» шиори остидаги оммавий спорт фестивалининг илк кунида иштирок этолмаган пойтахтимиз аҳолиси ва меҳмонлари 29 ва 30 декабрь кунлари келиб, бемалол естивалда иштирок этишлари мумкин.
Шундай экан, имкониятни қўлдан чиқарманг ва совғаларни қўлга киритинг!
Реклама ҳуқуқи асосида.
Изоҳ (0)