Xiaomi Twitter’даги ҳазилкашга янги Mi 10Т Pro совға қилиб, «уйлантириб» қўйди

Twitter фойдаланувчиларидан бири қисқагина твити сабаб янги Mi10Т Pro смартфонига эга бўлди, деб хабар беради «Hi-Tech.Mail.ru».

Барчаси @kamalahamad65 аккаунти фойдаланувчиси Twitter’даги ҳазил пост қолдирганидан сўнг бошланган. У ўз твитида Mi 10Т Pro смартфонини сотиб олмагунича уйланмаслигини ёзган. Xiaomi янги линейка қурилмаларини сентябрь ойида тақдим этганди. Мазкур смартфоннинг ўзидан олдинги моделлардан фарқи 144 герцли янгиланувчи частотага эга дисплей ўрнатилганида. Бу каби экранларни одатда геймерлар юқори баҳолайди.

https://twitter.com/manukumarjain/status/1340982391767089152

Xiaomi India вице-президенти ва бошқарувчи директори Кумар Жайн ушбу постга бир ҳафтадан сўнг эътибор қаратиб, фойдаланувчига смартфонни совға қилишини билдирган. У қурилманинг техник тавсифи ҳақида маълумотларни ҳам бўлишиб, энди ростдан ҳам тўй бўлиши кераклигини таъкидлаган.

Mi 10Т Pro’га 108 мегапикселли асосий, 13 мегапикселли кенг бурчакли, 5 мегапикселли макро камералар ўрнатилган. Шунингдек, смартфон ўзининг оптик барқарорлаштиргичи билан ҳам мақтана олади. Порцессори — Snapdragon 865. microSD учун слот ва наушниклар учун 3,5 миллиметрли разъём йўқ. Аккумулятор сиғими 5000 мА/соат бўлиб, 33 ваттли тезкор қувватланиш функциясига эга.

Finally received this monster. 🤩
The Mi 10T Pro display is indeed impressive. Most gorgeous phone. The amazing #108MP flagship #Mi10TPro.
So many features. Under 40K, #Mi10T Pro is pretty good value for a phone. 👌
🥰 Thank you so much @manukumarjain @XiaomiIndia 🙏🙏

I ❤️ Mi pic.twitter.com/RkiyE6RiDx

— ᴋᴀᴍᴀʟ ᴀʜᴀᴍᴀᴅ (@kamalahamad65) December 21, 2020

Кейинроқ бахтли фойдаланувчи «ва ниҳоят махлуққа эга бўлганини» ёзиб қолдириб, компанияга совға учун миннатдорчилик билдирган.