Қозоғистонда коронавирусга чалинганлар сони 150 минг кишидан, Қирғизистонда эса 80 минг кишидан ошди

Қозоғистонда 26 декабрь ҳолатига кўра, коронавирусга чалинганлар сони 150 минг кишидан ошди. Бу ҳақда мамлакат коронавирусга қарши курашиш тезкор штабига таяниб, Tengrinews хабар берди.

Маълумотларга кўра, мамлакатда ҳозирга қадар COVID-19 билан касалланганларнинг умумий сони 150 951 нафарга етган, уларнинг 136 365 нафари соғайган, 2218 киши вафот этган. Шунингдек, 1 августдан буён Қозоғистонда 44 951 кишида пневмония аниқланган бўлиб, уларнинг 483 нафари вафот этган.

Коронавирусга чалиниш бўйича ҳолатлар қуйидаги ҳудудларда аниқланган:

• Олмаота шаҳри — 17 995;
• Нур-Султон шаҳри — 18 031;
• Атирау вилояти — 12 885;
• Қарағанда вилояти — 11 874;
• Шарқий Қозоғистон вилояти — 18 593;
• Ғарбий Қозоғистон вилояти — 9001;
• Чимкент шаҳри — 5483;
• Олмаота вилояти — 6786;
• Жамбил вилояти — 4915;
• Шимолий Қозоғистон — 8278;
• Павлодар вилояти — 8698;
• Костанай вилояти — 7021;
• Ақмўла вилояти — 6917;
• Туркистон вилояти — 3623;
• Манғистов вилояти — 3646;
• Қизилўрда вилояти — 3367;
• Ақтўбе вилояти — 3658.

Аввалроқ Қозоғистонда коронавирус туфайли чекловлар кучайтирилгани тўғрисида хабар берилганди.Қирғизистонда ўтган бир сутка ичида яна 157 кишида коронавирус аниқлаб, бутун мамлакат бўйлаб COVID-19’га чалинганлар сони 80 182 кишига етди.

Ўтган бир сутка ичида коронавирусга чалиниш бўйича ҳолатлар қуйидаги ҳудудларда аниқланган:

• Бишкек — 60;
• Чуй вилояти — 27;
• Ўш вилояти — 20;
• Жалолобод вилояти — 10;
• Иссиқкўл вилояти — 20;
• Ўш шаҳри — 6;
• Боткен вилояти — 4;
• Норин вилояти — 5;
• Талас вилояти — 5.

Шунингдек, ўтган бир сутка ичида 300 кишига касалхонадан жавоб берилган. Бугунги кунга қадар 74 477 киши вирусдан соғайган. Қирғизистон Соғлиқни сақлаш вазирлиги маълумотларига кўра, мамлакатда пандемия бошланганидан буён 1344 киши COVID-19 қурбонига айланган.Афғонистон Соғлиқни сақлаш вазирлигининг маълумотларига кўра, ўтган бир сутка ичида мамлакатда яна 170 кишида коронавирус аниқланган, деб хабар беради Tolo News.

Бутун мамлакатда ҳозирга қадар коронавирус инфекцияси билан касалланганлар сони 51 764 кишига етган.

Беморларнинг 40 678 нафари соғайган бўлса, 2148 киши вирус асоратлари оқибатида вафот этган.

Вазирлик маълумотларига кўра, бугунги кунга қадар давлат марказларида 191 135 марта коронавирусга тест олинган.

Тожикистонда коронавирусга чалинганлар сони 13 106 кишига етди, деб хабар беради Central Asia.

Ўтган бир сутка ичида мамлакатда яна 42 кишида коронавирус аниқланган.

Мамлакат Соғлиқни сақлаш вазирлигининг маълумотларига кўра, ҳозирга қадар Тожикистонда 89 киши COVID-19 қурбонига айланган. Ҳозирга қадар мамлакатда 12 578 киши соғайган (95,9 фоиз).

Ўзбекистонда 26 декабрь соат 10:00 ҳолатига кўра, коронавирус инфекцияси қайд этилганлар сони 76 666 нафарни ташкил этмоқда. Бу ҳақда ССВ матбуот хизмати хабар берди.

Мамлакатда ҳозирга қадар 74 093 нафар коронавирус инфекциясига чалинган фуқаролар тузалган ва соғайиш кўрсаткичи 97 фоизни ташкил қилмоқда.

Ҳозирда Ўзбекистонда 1961 нафар беморга шифокорлар томонидан белгиланган стандартлар бўйича даво чоралари кўрилмоқда.