Жаҳон соғлиқни сақлаш ташкилоти коронавирус пандемияси билан боғлиқ вазият ривожланиши бўйича прогнозларга эҳтиёткорлик билан ёндашишга ҳаракат қилмоқда, бироқ ташкилот дунё пандемия якунига олиб борувчи йўлнинг ўртасида, деб ҳисоблайди. Бу ҳақда ЖССТнинг Европа бюроси директори Ҳанс Клюге маълум қилди, деб ёзмоқда «Korrespondent.net».
«Бундай вируслар, тахминан, икки йил ривожланиши ҳақида умумий билим мавжуд, шунинг учун биз ҳозирча фақат йўлнинг ўртасидамиз», — дея тушунтириш берган бюро директори.
Клюгенинг қўшимча қилишича, ЖССТ коронавирус билан боғлиқ вазият ривожини прогноз қилиши қийин, чунки вазият олдиндан айтиб бўлмайдиган хусусиятга эга.
«Профилактика тадбирлари, карантин ва вирус устидан назорат бўйича ҳаракатлар фаол қўлланилиши билан у пасая бошлайди. Бироз бўш келинса, биз яна беморлар сонининг тезлик билан ўсишига гувоҳ бўламиз», — дея таъкидлаган ЖССТ вакили.
Изоҳ (0)