Янги йил дастурхони учун байрамона «совға» салатини тайёрлаймиз

«Совға» салати ўзида товуқ, картошка, пишлоқ, пиёз ҳамда тухумнинг ажойиб уйғунлашган таъмини мужассам этади.

Керакли маҳсулотлар:

• Товуқ сони − 2 дона;
• Картошка − 3 дона;
• Тухум − 4 дона;
• Пиёз − 1 дона;
• Бодринг − 1 дона;
• Пишлоқ − 150-200 грамм;
• Кўкат ва майонез.

1. Товуқ гўшти, картошка ва тухум қайнатиб олинади;
2. Пиёз майда тўғралади. Товуқ гўшти бироз каттароқ бўлакларга бўлинади. Пишлоқ, картошка ва тухум оқи ва сариғи алоҳида қирғичдан ўтказилади;
3. Махсус идишга товуқ, пиёз, картошка, тухум сариғи ва пишлоқ қатлам қилиб жойлаштирилади. Шунингдек, пиёздан ташқари ҳар бир қатлам юзасига майонез сурилади. Энг устки қатламга эса тухумнинг оқи сепилади;
4. Маҳсулотларни қатлам қилиб жойлаштираётганда уларни тўртбурчак шаклда бўлишига эътибор бериш лозим;
5. Тайёр бўлган салат 1-2 соат давомида музлаткичда қолдирилади;
6. Бодринг жуда юпқа шаклда кесиб олинади. Бунинг учун қирғич ёки сабзавот тозаловчи воситадан фойдаланиш мумкин. Сўнгра бодринг ленталари тўртбурчак шаклдаги салат устига қўйилади ва кўкатлар билан безак берилади.