Бугун,

  • USD 11014.01
  • RUB 191.8
  • EUR 10674.78

Қозоғистонда коронавирус туфайли янги человлар кучга кирди, деб хабар бермоқда «РБК» мамлакат ҳукумати сайтига таяниб.

Фото: «ТАСС»

Фото: «ТАСС»

Ҳукумат хабарида қуйидагилар қайд этилган:

  • томоша, спорт ва бошқа оммавий тадбирлар, шу жумладан, Янги йил эрталиклари ва байрам корпоративларини ўтказиш тақиқланди;
  • эпидемиологик вазият барқарорлашгунича Тенгиз нефть-газ конида чеклов чоралари кучайтирилди;
  • коронавирусга қарши дори воситаларининг чакана нархлари ўртача 24 фоизга пасайтирилди.
Tengrinews маҳаллий нашри хабарига кўра, Манғистов вилоятида алоҳида человлар киритилмоқда. Манғистов ва Атирау вилояти (Тенгиз кони шу вилоят ҳудудида жойлашган) чегарасида санитар пост ўрнатилади. Бозорларнинг ишлаш вақти соат 18:00 гача, кинотеатрларники — 20:00 гача қисқартирилади, савдо-кўнгилочар марказлар ва гипермаркетлар соат 22:00 да ёпилади.

Коронавирус тарқалишига йўл қўймаслик бўйича идоралараро комиссия янги чораларни 2021 йилнинг январь—февраль ойларида ўткир респиратор вирусли инфекция (ЎРВИ) ва грипп билан касалланиш ҳолатлари ортиши фонида коронавирусга чалиниш ҳолатлари кўпайиши хавфи мавжудлиги билан изоҳлади.

Ҳукумат мажлисида таъкидланишича, айни пайтда Қозоғистонда юқумли касалликлар шифохоналарида жойларнинг 28 фоизи, реанимацияларда эса — 20 фоизи банд. Аммо коронавирус тарқалиши билан боғлиқ вазият оғир бўлиб қолаётган ҳудудлар ҳали ҳам бор. Атирау вилояти қизил зона деб белгиланди. Вилоятда декабрь бошида касалланганларнинг кўпчилигини Тенгиз нефть-газ кони ишчилари ташкил қилган.

Олмаота, Нур-Султон шаҳарлари, Акмола, Қўстаной, Павлодар, Ғарбий Қозоғистон ва Шимолий Қозоғистон вилоятлари сариқ зонага кирди.

Жаҳон соғлиқни сақлаш ташкилоти маълумотларига кўра, Қозоғистонда коронавирусга чалинганлар сони 193 503 кишига етган. Шуларнинг 2669 нафари вафот этган. Сўнгги бир кеча-кундузда 754 киши вирусни юқтирган.

Шу билан бирга таълим сифатини таъминлаш мақсадида Қозоғистон Таълим ва фан вазирлиги таклифи ва жамоатчилик фикрини ҳисобга олиб, ўқув йилининг 3-чорагидан бошлаб битирувчи синфлар учун (9, 11, 12-синфлар) санитар-эпидемик талабларга риоя қилган ҳолда комбинациялашган ўқиш (70 фоиз фанлар анъанавий равишда, 30 фоизи масофадан ўқитилади) жорий қилинади.

Изоҳ
Асосий янгиликлар