Қирғизистон COVAX дастури доирасида 1,2 миллион доза коронавирусга қарши вакцина учун ариза берган ва мазкур ариза маъқулланган. Бу ҳақда Қирғизистон бош вазири ўринбосари Элвира Сўраболдиева 24 декабрь, пайшанба куни коронавирусга қарши кураш штаби йиғилишида маълум қилди, деб ёзмоқда «Kabar.kg».
Қирғизистон бош вазири ўринбосарининг маълумотларига кўра, мазкур вакциналар ёрдамида мамлакат ўз аҳолисининг 20 фоиздан ортиғини коронавирусга қарши эмлаши мумкин бўлади.
Аввалроқ Ўзбекистон Санитария-эпидемиология хизмати бошлиғининг ўринбосари Нурмат Отабеков мамлакат Жаҳон соғлиқни сақлаш ташкилотининг COVAX альянси орқали 2 миллион доза вакцина сўраб мурожаат қилганини билдирганди. Унинг сўзларига кўра, Ўзбекистонга вакцина келса, биринчи навбатда 65 ёшдан юқори бўлган шахслар, тиббиёт ходимлари, ўқитувчилар, боғчалар тарбиячилари эмланади.
Изоҳ (0)