Тошкентда Lacetti русумли машина ёниб кетди, дея хабар бермоқда ЙҲХББ.
Маълум қилинишича, 2020 йилнинг 23 декабрь куни соат 08:30 ларда, Тошкент шаҳар Сергели тумани Тошкент ҳалқа автомобиль йўли кўчасида жойлашган GM Motors заводи рўпарасида ҳайдовчи 1980 йилда туғилган М.Х. бошқарувидаги Lacetti’нинг двигатель қисмида қисқа туташув юзага келган.
Ҳодиса жойига зудлик билан ўт ўчирувчилар етиб борган ва туташув оқибатида юзага келган ёнғин бартараф этилган. Ҳодиса натижасида тан жароҳати олганлар йўқ.
Мазкур ҳодиса юзасидан Сирғали тумани ИИБ ЙҲХБ ва ФВБ ходимлари томонидан суриштирув ишлари олиб борилиб, туташув юзага келиш сабабларига аниқлик киритилмоқда.
Шунингдек, 23 декабрь куни яна бир автомобилида ёнғин келиб чиққан.
Маълумотларга кўра, 2020 йилнинг 23 декабрь куни соат 14:35 ларда Жиззах вилояти Жиззах шаҳри Мустақиллик ва Шароф Рашидов кўчалари кесишган чорраҳада ҳайдовчи, 1970 йилда туғилган С.Б. бошқарувидаги Nexia’нинг салон қисмида ёнғин юзага келган.
Ёнғин ўт ўчирувчилар томонидан бартараф этилган. Ёнғин натижасида тан жароҳати олганлар йўқ. Автомобилнинг салон қисми ёнғиндан зарарланган.
Мазкур ҳодиса юзасидан Жиззах шаҳар ИИБ ЙҲХБ ва ФВБ ходимлари томонидан суриштирув ишлари олиб борилиб, ёнғин юзага келиш сабабларига аниқлик киритилмоқда.
Аввалроқ Тошкентда 47-сонли йўналишда ҳаракатланувчи автобус, Қаршида ЙПХ автомобили ҳамда Марғилонда Matiz моторидаги носозлик сабаб ёниб кетгани ҳақида хабар берилганди.
Изоҳ (0)