Маданият вазирлигига қарашли маданий мерос объектларининг таъмирга муҳтожларини 2021 йилда реконструкция қилиш мақсадида давлат бюджетидан 70 миллиард сўмдан зиёд маблағ ажратилиши режалаштирилган. Бу ҳақда 14 декабрь куни бўлиб ўтган матбуот анжуманида маданият вазири ўринбосари, маданий мерос департаменти бошлиғи Камола Оқилова маълум қилди, дея хабар бермоқда «Дарё» мухбири.
Оқилова хонимнинг таъкидлашича, маданий мерос объектларининг бузилиш ҳолати бўйича мониторинг ишлари доимий равишда олиб борилмоқда.
«Охирги пайтларда ижтимоий тармоқларда қайсидир ҳудуддаги маданий мерос объектларининг бузилиши ёки таъмир талаб эканлиги кенг муҳокама қилинмоқда. Биз бу бўйича ҳам мониторинг ишларини доимий равишда олиб борамиз, мутахассислар иштирокида ўрганамиз. Бугунги кунда вазирликка қарашли 234 та объект таъмирталаб ҳолатда. Уларни ҳамма вилоятда учратиш мумкин. Албатта, бир йил ичида буларнинг барчасини реконструкция қила олмаймиз. Лекин айтиш керакки, таъмирлаш ишлари учун йилдан йилга давлат бюджетидан кўпроқ маблағ ажратиляпти. 2021 йил учун 73 миллиард сўм ажратилиши режалаштирилган. Биз бу маблағни биринчи навбатда таъмирга муҳтож объектлар учун сарфлаймиз», – деди маданият вазири ўринбосари.
Бош прокуратура маълумотига кўра, 2020 йил давомида 45 та ноқонуний ҳуқуқий-норматив ҳужжатларга протестлар келтирилган. Қонун бузилиши ҳолатларига олиб келган сабаб ва шароитларни йўқотишга қаратилган 106 та тақдимнома киритилган, 31 нафар шахс интизомий ва маъмурий жавобгарликка тортилган.
Изоҳ (0)