CoinMarketCap онлайн биржаси маълумотларига кўра, биткоин нархи биринчи марта 22 минг АҚШ долларидан ошди. Ушбу криптовалюта кунига 14,37 фоизга ўсиб, ҳозирда 22 149 долларга етди, дея хабар қилмоқда Spot.
Ноябрь ойида биткоин нархи 2017 йил охирида ўрнатилган рекордни янгилаб, 19 800 доллардан ошиб кетди. Бу ҳафта биткоин нархи, тахминан, 20 фоизга ўсди ва йил давомида уч бараварга ошди.
Guggenheim’нинг инвестициялар бўйича директори Скотт Минерднинг маълум қилинишича, биткоинларнинг чекланган таъминоти АҚШ Федерал захирасининг «чекланмаган пулни босиб чиқариш» тизими билан бирлашса, криптовалюта нархи охир-оқибат 400 минг АҚШ долларга кўтарилиши мумкин.
«Агар биткоин нархи кўтарилиши тезлашиб бораверса, навбатдаги кўтарилиш нуқтаси 36 минг доллар бўлади», – деди Hxro криптовалюта савдо платформаси бош директори Дэн Гансберг.
Унинг сўзларига кўра, биткоин нархининг 20 минг доллардан ошиши шов-шувга сабаб бўлиши ҳамда криптовалюта йилни юқори даражада якунлашига имкон бериши мумкин.
Аввалроқ АҚШдаги сайловлар вақтида биткоин нархи сўнгги уч йилликдаги максимумга чиққани ва Тошкентда криптовалюта савдоси билан ноқонуний шуғулланган шахсларга жиноий иш очилгани ҳақида хабар берилганди.
Изоҳ (0)