Европа Иттифоқида 27 декабрдан коронавирусга қарши эмлаш бошланади

Европа Иттифоқида коронавирусга қарши вакцинация 27–29 декабрь кунлари бошланади. Бу ҳақда Европа комиссияси президенти Урсула фон дер Ляйенга таяниб, «Интерфакс» хабар қилмоқда.

«Бу Европа учун муҳим лаҳза. 27-, 28- ва 29 декабрда Европа Иттифоқи бўйлаб вакцинация бошланади. Биз фуқароларимизни биргаликда ҳимоя қиламиз», – деб ёзди у Twitter’даги саҳифасида.

It's Europe's moment.

On 27, 28 and 29 December vaccination will start across the EU.

We protect our citizens together. We are #StrongerTogether#EUvaccinationdays pic.twitter.com/6VxDumysBL

— Ursula von der Leyen (@vonderleyen) December 17, 2020

Эслатиб ўтамиз, АҚШда 14 декабрь куни коронавирусга қарши эмлаш бошланди. Касалликлар назорати ва профилактикаси марказлари (CDC) маълумотларига кўра, 2020 йил охиригача Америка ҳукумати 40 миллион кишини эмлашни режалаштирмоқда.

2 декабрь куни Буюк Британия дунёда биринчи бўлиб Pfizer’нинг коронавирусга қарши вакцинасидан фойдаланишни маъқуллаган эди. Шундан кейин Британия дунёда биринчи бўлиб коронавирусга қарши вакцинацияни бошлаши хабар берилди. 4 декабрь куни эса Баҳрайн ҳам Pfizer вакцинасидан фойдаланишни маъқуллади. Шунингдек, Pfizer ва BioNTech вакцинаси АҚШда ҳамда Мексикада ҳам маъқулланди.

Россияда эса COVID-19’га қарши эмлаш 16 декабрь кунидан бошланди.