АҚШ президенти Дональд Трамп янги сайланган президент Жо Байденнинг инаугурацияси куни Оқ уйни тарк этишдан бош тортишини маълум қилди. Бу ҳақда Трампнинг исмини ошкор этмаган маслаҳатчиларига таяниб, «РБК» хабар берди.
CNN телеканалида қайд этилишича, бу ҳақда мамлакат раҳбари «чуқур эътирозлар» вақтида маълум қилмоқда. «У жазава чегарасини уюштиряпти. Аслида, у кетишга тайёргарлик кўрмоқда», — дейди улардан бири.
Байненнинг инаугурация маросими 2021 йилнинг 20 январь санасига мўлжалланган.
Аввалроқ АҚШнинг амалдаги президенти Дональд Трамп президентлик сайловларидаги мағлубиятини очиқчасига тан олиш ниятида эмаслиги тўғрисида хабар берилганди.
Эслатиб ўтамиз, декабрь бошида Трамп сайловлар ҳалол бўлган тақдирдагина мағлубиятини тан олишини билдирганди. «Мен сайловда мағлуб бўлишга қарши эмас, балки у адолатли бўлишини хоҳлайман. Истамайдиган нарсам шуки, сайловлар Америка халқидан ўғирлаб олинмасин», — деди Трамп. Кейинроқ АҚШнинг амалдаги президенти Дональд Трамп 2024 йилда давлат раҳбари лавозимига ўз номзодини қўйиши мумкинлигини билдирди. Оқ уй эса Дональд Трамп президентлик сайловларида ғолиб чиққан демократ Жо Байденга ҳокимиятни тинч йўл билан топширишини ишонч билан таъкидлаганди.
Изоҳ (0)