Тўққиз йиллик суд жараёнидан сўнг Гринол француз коммуналидан эр-хотин Мишел ва Анни Пешра ўзларига тегишли сув ҳавзасини қуритиш тўғрисида огоҳлантириш олди, чунки суд қурбақаларнинг овозини жуда баланд, деб қарор қилди. Бу ҳақда Esquire хабар бермоқда.
Маълум бўлишича, эр-хотин ҳовузга 12 йилдан буён эгалик қилиб келади. Дастлаб бу борада ҳеч қандай шикоятлар бўлмаган. Аммо кейинчалик уларнинг қўшниси Жан-Луи Малфон қурбақаларнинг кўпайиш мавсумидаги баланд овозидан шикоят қила бошлаган.
2012 йил Малфон шовқинга чидай олмай, ётоқхонасига қадар эшитилаётган қурбақалар овози баландлигини ўлчаб, Пешрани судга берган. Қўшни аёлнинг таъкидлашича, йилнинг маълум бир вақтларида қурбақалардан чиққан шовқин 63 децибелгача етган.
Суд қарорида эса 300 квадрат метрлик сув ҳавзасини қуритиш ва қурбақаларни йўқотиш буюрилган. Бунинг учун Пешрага 90 кун муддат берилган. Акс ҳолда улар катта миқдордаги жарима тўлаши керак бўлади. Шунинг учун ҳам оила аллақачон суд қарорини амалда бажаришни бошлаган.
Шунингдек, атроф-муҳит фаоллари ҳавзани қуритилишга қарши чиқди. Чунки у ерда яшовчи қурбақаларнинг айрим турлари муҳофаза қилинади. Француз экологик гуруҳларидан бири эса суд қарорининг устидан мамлакатдаги энг юқори ҳокимиятга шикоят қилмоқда.
Мавзуга доир:
Изоҳ (0)