Fransiya sudi baland ovozda vaqillagan qurbaqalarni hovuzdan ko‘chirishga qaror qildi

To‘qqiz yillik sud jarayonidan so‘ng Grinol fransuz kommunalidan er-xotin Mishel va Anni Peshra o‘zlariga tegishli suv havzasini quritish to‘g‘risida ogohlantirish oldi, chunki sud qurbaqalarning ovozini juda baland, deb qaror qildi. Bu haqda Esquire xabar bermoqda.

Ma’lum bo‘lishicha, er-xotin hovuzga 12 yildan buyon egalik qilib keladi. Dastlab bu borada hech qanday shikoyatlar bo‘lmagan. Ammo keyinchalik ularning qo‘shnisi Jan-Lui Malfon qurbaqalarning ko‘payish mavsumidagi baland ovozidan shikoyat qila boshlagan.

2012-yil Malfon shovqinga chiday olmay, yotoqxonasiga qadar eshitilayotgan qurbaqalar ovozi balandligini o‘lchab, Peshrani sudga bergan. Qo‘shni ayolning ta’kidlashicha, yilning ma’lum bir vaqtlarida qurbaqalardan chiqqan shovqin 63 detsibelgacha yetgan.

Sud qarorida esa 300 kvadrat metrlik suv havzasini quritish va qurbaqalarni yo‘qotish buyurilgan. Buning uchun Peshraga 90 kun muddat berilgan. Aks holda ular katta miqdordagi jarima to‘lashi kerak bo‘ladi. Shuning uchun ham oila allaqachon sud qarorini amalda bajarishni boshlagan.

Shuningdek, atrof-muhit faollari havzani quritilishga qarshi chiqdi. Chunki u yerda yashovchi qurbaqalarning ayrim turlari muhofaza qilinadi. Fransuz ekologik guruhlaridan biri esa sud qarorining ustidan mamlakatdagi eng yuqori hokimiyatga shikoyat qilmoqda.