Нидерландиянинг ДоcМоррис фармацевтика компанияси Рождествога бағишлаб энг таъсирли байрам видеоси номига кураша оладиган реклама ролигини тақдим этди, деб хабар беради Esquire.
Асосий ғояси соғлиқ бўлган роликнинг бош қаҳрамони — кекса эркак — сутканинг исталган вақтида ва ҳар қандай об-ҳаво шароитида гиря билан фаол машқ қилади. Баъзида унинг танаси ўзига бўйсунмайди, бироқ у таслим бўлмайди. Чолни доим ўзи билан олиб юрадиган кимнингдир сурати илҳомлантиради.
Реклама YouTube’га 30 ноябрь куни жойлаштирилган бўлиб, сўнгги кунларда жуда кўп маротага кўрилмоқда. Ҳозирда у 7,4 миллион маротаба томоша қилинган бўлиб, уларнинг қарийб бир миллиони ўтган бир сутка ичида кўрилган.
Изоҳ (0)