Шотландиялик йигит севгилиси билан учрашиш учун Ирландия денгизини гидротцикл билан кесиб ўтиб, карантин чекловларини бузганлиги туфайли ҳибсга олинди, деб ёзади BBC News.
Буюк Британиянинг Nort-Эршир шаҳридан бўлган 28 ёшли Дей Маклафлен 2020 йилнинг 11 декабрида Мен оролида яшовчи севгилиси билан учрашувга денгиз орқали боришга қарор қилди. Бунинг учун гидротцикл ҳам сотиб олди. Йигит мақсад қилган манзил тўрт ярим соатлик масофани талаб этади. Дейл эса авваллари гидротцикл бошқариб кўрмаганлиги туфайли 40 километрни 40 дақиқада босиб ўтишни тахмин қилган эди. Афсуски, у қирғоққа етиб борганидан кейин ҳам қизнинг уйигача 25 километр масофани пиёда босиб ўтишига тўғри келди.
Оролнинг амалдаги қонунларига биноан, Мен оролига фақат махсус рухсатнома олганларгина кириши мумкин. 2020 йилнинг сентябрь ойида Дейл оролда бир ой мобайнида том ёпиш ишида ишлаш учун рухсат олишга муваффақ бўлган. Кейинги сафар эса унинг мурожаати рад этилган эди. Шу туфайли Дейл келганига икки кун бўлганида, ҳужжатлар текширувидан сўнг ҳибсга олинди.
2020 йилнинг 14 декабрь куни Дейл судга тортилди. Унинг адвокати мижозининг депрессияда бўлгани ва севган қизи билан учрашишнинг бошқа чораси бўлмаганини тушунтирди. Аммо бу ёрдам бермади. Судья Дейлни карантин чекловларини бузиб, маҳаллий аҳолини касаллик юқтириш хавфи остига қўйганини маълум қилди ва уни 4 ҳафталик қамоқ жазосига ҳукм қилди.
Изоҳ (0)